ԵՐԵՎԱՆ, 7 հուլիսի — Sputnik. Մեծ Բրիտանիայում Ռուսաստանի դեսպան Ալեքսանդր Յակովենկոն ցավակցություն է հայտնել` իր հայ գործընկեր Արման Կիրակոսյանի վաղաժամ մահվան կապակցությամբ։
«Խորապես վշտացած եմ Մեծ Բրիտանիայում Հայաստանի դեսպան Արման Կիրակոսյանի վախճանի մասին լուրով։ Ականավոր գործընկեր, որը կարիերա է արել` ծառայելով հայ ժողովրդին։ Մտքերով նրա բոլոր հայ ընկերների հետ եմ», – գրել է Յակովենկոն Twitter–ում։
Ավելի վաղ ցավակցություն էին հայտնել Հայաստանի ներկա և նախկին ղեկավարները։
Deeply saddened by the news on passing of Arman Kirakossian, Armenia's Ambassador to UK. A distinguished colleague who has had a prominent career serving Armenian people. My thoughts are with his loved ones and all Armenian friends. pic.twitter.com/zcOWTlJl6h
— Alexander Yakovenko (@Amb_Yakovenko) 7 июля 2019 г.
Հիշեցնենք, որ հուլիսի 6-ին 63 տարեկան հասակում կյանքից հեռացել է Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության արտակարգ և լիազոր դեսպան Արման Կիրակոսյանը, ով առաջին իսկ օրվանից կանգնած է եղել նորանկախ Հայաստանի դիվանագիտական ծառայության և արտաքին քաղաքականության կայացման ակունքներում և իր անգնահատելի ներդրումն է ունեցել այդ գործում։
