ԵՐԵՎԱՆ, 2 հուլիսի — Sputnik. Գեներալ Մանվել Գրիգորյանը միջգերատեսչական հանձնաժողովային դատաբժշկական փորձաքննություն կանցնի։ Այս մասին այսօր Երևանի ընդհանուր իրավասության դատարանում ընթացող դատական նիստի ժամանակ հայտնեց դատավոր Մնացական Մարտիրոսյանը։
«Դատարանը որոշեց մեղադրող կողմի միջնորդությունը բավարարել և Գրիգորյանի նկատմամբ նշանակել դատաբժշկական փորձաքննություն։ Դրա իրականացումը հանձնվում է առողջապահության նախարարությունը»,–ասաց դատավորը։
Նա նշեց նաև, որ փորձաքննությունը պետք է պարզի` ի՞նչ հիվանդություններով է տառապում Գրիգորյանը, այդ հիվանդությունները կամ դրանցից մեկն արդյո՞ք անհամատեղելի են նրա կալանքի հետ։
Ի դեպ, Մանվել Գրիգորյանին բժիշկների ուղեկցությամբ կրկին տեղափոխեցին «Գրիգոր Լուսավորիչ» հիվանդանոց, քանի որ նա իրեն վատ էր զգում։ Դատական նիստը հետաձգվեց. այն տեղի կունանա հուլիսի 9–ին, ժամը 12–ին։
Հիշեցնենք, որ այսօր դատարանը որոշել էր Գրիգորյանի պաշտպանների միջնորդությունը` որպես խափանման միջոց ընտրված կալանավորումը գրավով ազատ արձակմամբ փոխելու, ամբողջությամբ մերժել` անհիմն լինելու պատճառով։
Նրա պաշտպան Լևոն Բաղդասարյանն հայտնել էր, որ բժիշկների կոնսիլիում է արվել, «Նաիրի» ԲԿ-ում հոսանքով լարման են տվել հիվանդի երկու ոտքերը և պարզել, որ նրա ոտքերը 50-70 տոկոսով չեն զգում, դարձել են անզգա։
Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:
Սամվել Ալեքսանյանը հերքեց Սաշիկ Սարգսյանի որդու դեմ տված նախկին ցուցմունք
Նրան մեղադրանք է առաջադրվել 2018 թ. հունիսի 19-ին։
