ԵՐԵՎԱՆ, 18 հունիսի — Sputnik. Եթե ԱԺ–ն ընդունի «Սպառողական վարկավորման մասին» օրենքի փոփոխությունները, Հայաստանում փոքր և միջին բիզնեսը կարող է վարկեր ստանալ ավելի հասկանալի պայմաններով։
Օրենքում համապատասխան փոփոխությունների նախագիծը երեքշաբթի երկրորդ ընթերցմամբ ներկայացվեց ԱԺ–ում։
«Սպառողական վարկավորման մասին» օրենքի համաձայն` ֆիզիկական անձանց համար սպառողական վարկերի պայմանագրում պետք է նշել վարկի ոչ միայն անվանական, այլ նաև իրական տոկոսադրույքը (հաշվի առնելով գնաճը)։
Ինչպես հայտարարեց Հայաստանի ԿԲ փոխնախագահ Ներսես Երիցյանը, հիմա օրենքի պահանջները կտարածվեն ոչ միայն ֆիզիկական անձանց, այլ նաև բիզնեսի համար միկրովարկերի, այդ թվում` մինչև 5 միլիոն դրամի չափով գյուղատնտեսական վարկերի վրա։
