ԵՐԵՎԱՆ, 8 հունիսի – Sputnik. Հունահռոմեական ոճի ըմբշամարտի վարպետ Սերգեյ Չուևին ծեծել են Մոսկվայի այգիներից մեկում և գցել լիճը։ Այս մասին հայտնում են ռուսական ԶԼՄ–ները։
Դեպքը տեղի է ունեցել Յուժնոբուտովսկայա փողոցում գտնվող այգում։
34-ամյա մարզիկը փորձել է հղի կնոջը պաշտպանել խուլիգաններից։ Ականատեսների խոսքով` երեք երիտասարդ «ձեռ են գցել կնոջը»։
Չուևը, որն աղջկա հետ անցել է այդտեղով, նկատողություն է արել։ Ի պատասխան չարագործները սկսել են նրան ծեծել և գցել են լիճը։ Տղամարդը հայտնվել է ջրի հատակում։
Սպորտի վարպետի հետ զբոսնող աղջիկը սկսել է բղավել և օգնության կանչել, մոտակայքում գտնվող անվտանգության աշխատակիցներն ու անցորդները հասել են օգնությամբ։
Ռեն–ՏՎ–ի տվյալներով` մարդիկ տուժածին ափ են դուրս բերել, ժամանել է շտապօգնության մեքենան, սակայն մարզիկի կյանքը փրկել չի հաջողվել։
Մոսկվայի ՔԿ գլխավոր քննչական վարչության ղեկավարի ավագ օգնական Յուլյա Իվանովան, որ քննչական գործ է հարուցվել «սպանություն» հոդվածով։
