ԵՐԵՎԱՆ, 7 հունիսի — Sputnik. Երևան քաղաքի ընդհանուր իրավասության դատարանի Շենգավիթի նստավայրում դատավոր Աննա Դանիբեկյանը քիչ առաջ հրապարակեց ՀՀ երկրորդ նախագահ Ռոբերտ Քոչարյանի գույքի վրա դրված կալանքի գործով բողոքի վերաբերյալ որոշումը։
«Դատարանը որոշեց` դիմող Ռոբերտ Քոչարյանի պաշտպան Հովհաննես Խուդոյանի բողոքը բավարարել մասնակի, արձանագրել Ռոբերտ Քոչարյանի իրավունքների խախտումը»,– ասված է որոշման մեջ։
Ինչ վերաբերում է քննիչ Մուշեղյանին վարույթից հեռացնելու պահանջին, այս մասով դատարանը մերժել է բողոքը։
Այսպես` դատարանը թեև արձանագրեց, որ քննիչի որոշմամբ ՀՀ երկրորդ նախագահի գույքի վրա կալանք դնելու արդյունքում նրա իրավունքները խախտվել են, բայց այդ որոշումը թողեց ուժի մեջ` այն թողնելով բուն քրեական գործը քննող դատավորի դատին։
Քոչարյանի գործով 2 բողոքն էլ հայտնվել են ամենացածր վարկանիշ ունեցող դատավորի մոտ. պաշտպան
Հիշեցնենք, որ Ռոբերտ Քոչարյանին գույքի վրա արգելանքը դրվել էր նախաքննության ընթացքում` սահմանադրական կարգը տապալելու հոդվածով մեղադրանք առաջադրելուց հետո՝ ՀՔԾ քննիչի որոշմամբ:
