ԵՐԵՎԱՆ, 1 հունիսի — Sputnik. ՀՀ նախագահ Արմեն Սարգսյանը այսօր զանգահարել է վարչապետ Նիկոլ Փաշինյանին և շնորհավորել տարեդարձի կապակցությամբ։ Այս մասին նշված է վարչապետի պաշտոնական կայքում։
«Արմեն Սարգսյանը Նիկոլ Փաշինյանին մաղթել է երջանկություն և հաջողություններ երկրի ղեկավարի պատասխանատու գործում»,–նշված է հաղորդագրության մեջ:
Վարչապետին ծննդյան օրվա առթիվ շնորհավորել և բարեմաղթանքներ է հղել նաև Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը։
Փաշինյանն այսօր դառնում է 44 տարեկան։
Նշենք, որ ծննդյան օրվա առթիվ վարչապետ Փաշինյանը շնորհավորանքներ և բարեմաղթանքներ է ստանում օտարերկրյա պետությունների ղեկավարներից, միջազգային կազմակերպությունների, պետական և հասարակական հատվածի ներկայացուցիչներից, անհատներից:
