ԵՐԵՎԱՆ, 30 մայիսի – Sputnik. ՀՀ վարչապետ Նիկոլ Փաշինյանը 26 փոխնախարարի ազատել է պաշտոններից։ Համապատասխան որոշումները հրապարակվել են վարչապետի կայքում։
Պաշտոնյաներն աշխատանքից ազատվել են օպտիմալացման պատճառով։ Հիշեցնենք, որ նախարարությունների թիվը կրճատվել է` 17-ից դառնալով 12։
Դրանք են` արտաքին գործերի նախարարություն, պաշտպանության նախարարություն, արտակարգ իրավիճակների նախարարություն, արդարադատության նախարարություն, աշխատանքի և սոցիալական հարցերի նախարարություն, կրթության, գիտության և մշակույթի նախարարություն, բնապահպանության նախարարություն, առողջապահության նախարարություն, ֆինանսների նախարարություն, էկոնոմիկայի նախարարություն, տարածքային կառավարման և ենթակառուցվածքների նախարարություն, բարձր տեխնոլոգիաների արդյունաբերության նախարարություն:
Հիշեցնենք` Փաշինյանը դեռևս դեկտեմբերի 10-ին արտասահմանյան լրատվամիջոցների հետ հանդիպման ժամանակ հայտնել էր, որ նախարարությունների թիվը կառավարությունում պետք է կրճատվի` 17-ից դառնալով 12։
Փետրվարի 8-ին էլ հայտարարել էր, որ Սփյուռքի նախարարության փոխարեն այսուհետ կստեղծվի Սփյուռքի գործերի գլխավոր հանձնակատարի պաշտոն վարչապետի աշխատակազմում:
