ԵՐԵՎԱՆ, 25 մայիսի – Sputnik. Ռուսաստանի Սանկտ Պետերբուրգ քաղաքում անցկացվող սպորտային մարմնամարզության «Դիտյատինի գավաթում» Արթուր Դավթյանը և Գագիկ Խաչիկյանը թիմային հաշվարկում գրավել են առաջին տեղը: Այս մասին հայտնում է Հայաստանի օլիմպիական կոմիտեի մամուլի ծառայությունը։
Արթուր Դավթյանը դարձել է նաև բազմամարտի ոսկե մեդալակիր։
Երիտասարդների պայքարում Գագիկ Խաչիկյանը բազմամարտում զբաղեցրել է 4-րդ տեղը: Մարզիկները մրցելու են նաև առանձին գործիքների վրա։
Դավթյանը 6 գործիքներով էլ որակավորվել է եզրափակիչին, իսկ Խաչիկյանը միայն վրիպել է հենացատկերում և եզրափակիչ է անցել 5 գործիքներով։
Մայիսի 25-ին կկայանան առանձին գործիքների եզրափակիչները։