ԵՐԵՎԱՆ, 24 մայիսի – Sputnik. Քիչ առաջ ողբերգական ելքով պատահար է տեղի ունեցել Երևանում։ Նոր Նորք վարչական շրջանի Դավիթ Բեկի փողոցում՝ Վազգեն Սարգսյանի անվան ռազմական ինստիտուտի մոտ, «Նիսսան» մակնիշի ավտոմեքենան վրաերթի է ենթարկել մոտ 40-ամյա մի տղամարդու, որը, նախնական վարկածով, փողոցն անցել է չթույլատրվող հատվածով։
25-ամյա վարորդը չի լքել դեպքի վայրը և փորձել է հավաքվածների հետ օգնել վրաերթի ենթարկվածին։
Շտապօգնության մեքենայով «Սուրբ Գրիգոր Լուսավորիչ» բժշկական կենտրոն տեղափոխվելու ճանապարհին վրաերթի ենթարկվածը մահացել է։
Տեղում աշխատում են ոստիկանության և քննչական կոմիտեի ծառայողները, որոնք նաև միջոցառումներ են ձեռնարկում մահացած տղամարդու ինքնությունը պարզելու համար։
