ԵՐԵՎԱՆ, 23 մայիսի — Sputnik. «Յանդեքս» ընկերությունների խմբի կառավարող տնօրենի պաշտոնում նշանակվել է Տիգրան Խուդավերդյանը։ Այս մասին հայտնում է ընկերության մամուլի ծառայությունը։
Նախկինում ընկերությունն այդպիսի պաշտոն չի ունեցել, և չի նշվում, թե ինչ նպատակով են այն ստեղծել։
«Տիգրանը վաղուց է աշխատում «Յանդեքսում», շատ լավ է տիրապետում բիզնեսին և հարգանք է վայելում ընկերությունում», – նշել է խմբի գլխավոր տնօրեն Արկադի Վոլոժը։
Խուդավերդյանը «Յանդեքս» է եկել 2006 թվականին։ Նա գլխավորել է նաև «Яндекс.Браузер» և «Яндекс.Навигатор» ծառայությունները։ 2015 թվականին թոփ մենեջերը դարձել է «Яндекс.Такси»–ի, իսկ 2018 թվականից` «Яндекс.Такси»–ի և Uber– միավորված ընկերության գլխավոր տնօրենը։
