Բադալյանը կարծում է, որ վարչապետն իր իշխանության հետ փորձում է գնալ լյուստրացիոն ճանապարհով, ինչը դրական հաջողություն չի բերի։
«Իշխանությունն այս պահին դատական համակարգը բարեփոխելու ծրագիր չունի։ Հայաստանի իշխանությունները դատաիրավական համակարգի բարեփոխման հայեցակարգ անգամ չունեն»,- ասում է Բադալյանը։
Քաղտեխնոլոգի գնահատմամբ՝ եթե դատաիրավական համակարգում փոփոխություններ չլինեն, ապա ինչու պետք է նոր նշանակված դատավորն ավելի ազնիվ լինի, քան երկրորդ կամ երրորդ նախագահի օրոք նշանակված դատավորը։
Հիշեցնենք, որ Երևանի ընդհանուր իրավասությունների Ավան և Նոր Նորք վարչական շրջանների դատարանը՝ դատավոր Դավիթ Գրիգորյանի նախագահությամբ, մայիսի 17–ին որոշեց ՀՀ երկրորդ նախագահ Ռոբերտ Քոչարյանին անձնական երաշխավորությամբ ազատ արձակել։
Դրանից հետո մայիսի 19–ին Նիկոլ Փաշինյանը ժողովրդին կոչ արեց մայիսի 20–ի առավոտյան փակել հանրապետության բոլոր դատարանների մուտքերը։ Ապա հանդես եկավ հայտարարությամբ, որտեղ նշեց, որ Հայաստանում հեղափոխությունը պետք է իր ավարտին մոտեցնել և բարեփոխել դատական համակարգը։ Պետք անցկացնել բոլոր դատավորների «վեթինգ»։
