ԵՐԵՎԱՆ, 18 մայիսի - Sputnik. «Ով մեզ հետ է, սիգնալ տուր». հեղափոխության հայտնի ժողովրդական կարգախոսով մարդիկ, ոստիկանության ծառայողների ուղեկցությամբ, քայլում են Երևանում։
Ակցիայի մասնակիցները սկզբու հավաքվել էին Ազատության հրապարակում, հետո քայլերթով անցան Երևանի կենտրոնական փողոցներով։
Նրանք բղավում են, որ Քոչարյանը հանցագործություն է կատարել և պետք է նստի բանտում։ Ակցիայի մասնակիցները մտադիր են քայլել մինչև Մյասնիկյանի արձան, որտեղ հարգանքի տուրք կմատուցեն Մարտի 1-ի զոհերի հիշատակին։
Այսօր Երևանի ընդհանուր իրավասությունների Ավան և Նոր Նորք վարչական շրջանների դատարանը ՀՀ երկրորդ նախագահ Ռոբերտ Քոչարյանի խափանման միջոց կալանքը փոխելու մասին որոշում ընդունեց: Նա կմասնակցի դատավարությանն ազատության մեջ: Դատարանի շենքի մոտ մեծ թվով մարդիկ էին հավաքվել, որոնց մի մասն այնտեղ էր ի պաշտպանություն ՀՀ երկրորդ նախագահի, մյուսները եկել էին բողոքելու նրա ազատման դեմ:
Ռոբերտ Քոչարյանի կողմնակիցները ոտքով իջնում են Մյասնիկյան պողոտայով. տեսանյութ
Հիշեցնենք, որ ավելի վաղ Արցախի երկու նախագահները՝ գործող նախագահ Բակո Սահակյանը և նախկին նախագահ Արկադի Ղուկասյանն անձնական երաշխավորություն էին ներկայացրել դատարան՝ Արցախի առաջին նախագահ, ՀՀ երկրորդ նախագահ Ռոբերտ Քոչարյանի խափանման միջոցը փոխարինելու և նրան ազատ արձակելու համար:
