ԵՐԵՎԱՆ, 9 մայիսի — Sputnik. Ստեփանակերտի Վերածննդի հրապարակից այսօր «Անմահ գունդ» խորագրով քայլերթով քաղաքացիները շարժվել են դեպի մայրաքաղաքի քաղաքային հուշահամալիր։
Երթն իրականացվել է «Արցախի երիտասարդության զարգացման կենտրոն» հասարակական կազմակերպության նախաձեռնությամբ։
Երթի մասնակիցներն հարգանքի տուրք են մատուցել Հայրենական մեծ պատերազմի, Արցախյան հերոսամարտի և ապրիլյան քառօրյա պատերազմի հերոսների հիշատակին:
Նման երթեր են կազմակերպվել ոչ միայն Ստեփանակերտում, այլ նաև Հադրութում, Մարտունիում, Շուշիում և Մարտակերտում:
