ԵՐԵՎԱՆ, 9 մայիսի – Sputnik. ՀՀ վարչապետ Նիկոլ Փաշինյանը զավակների լուսանկարն է հրապարակել Facebook սոցիալական ցանցի իր էջում և շնորհավորական ուղերձ հղել Եռատոնի կապակցությամբ։
«Շնորհավորում ենք հայ ժողովրդին եւ առանձնահատուկ՝ Արցախի հերոսական ժողովրդին Եռատոնի փառապանծ առիթով: Սիրելի արցախցիներ, սիրում ենք ձեզ, հպարտանում ենք ձեզնով ու խոնարհվում ենք ձեր առաջ: Խոնարհվում ենք մեր սուրբ Նահատակների առաջ»,– լուսանկարին կից գրել է Փաշինյանը։
Երեխաները լուսանկարվել են «Մենք ենք, մեր սարերը» կոթողի ֆոնին։
Հիշեցնենք` ՀՀ վարչապետն այսօր առավոտյան մեկնել է Արցախ` մայիսյան եռատոնին նվիրված միջոցառումներին մասնակցելու նպատակով։
Մայիսի 9-ին նշվում է Շուշիի ազատագրումը, Արցախի Հանրապետության պաշտպանության բանակի կազմավորումն ու Հայրենական մեծ պատերազմում հաղթանակը:
