Նրանք հետևում են ամպերի «էվոլյուցիային», որ դրանք կարկտաբեր ամպերի չվերածվեն։ Կենտրոնից 200 մետր հեռավորության վրա հակակարկտային հրթիռային սարք է տեղադրված։ Հայաստանը 2017 թվականին երեք նման սարք է գնել Ռուսաստանից պիլոտային ծրագրի շրջանակում։ Արագածոտնի սարքը դրանցից մեկն է։
Կայանները տեղակայվել են Արմավիրի ու Արագածոտնի մարզերում` այստեղ ամենահաճախն է կարկուտ լինում։
Սարքը գյուղացիների համար իսկական փրկություն է։ Մասնագետները ռադիոլոկացիոն կայանի օգնությամբ հետևում են կարկտաբեր ամպին և ուսումնասիրում են դրանց։
Եթե որոշվում է դրա վրա ակտիվ ազդեցություն գործել, հենց ամպը մտնում է հրթիռային սարքի գործողության գոտի, մասնագետները հեռակառավարման համակարգի միջոցով սարքը գործարկելու ազդակ են տալիս։
Մեկ կարկտավտանգ ամպը վնասազերծելու համար 5–7 հրթիռ է կիրառվում։
2018 թվականին երեք հակակարկտային հրթիռային սարքի միջոցով տասը կարկտավտանգ ամպ է վնասազերծել։ Այդ նպատակով 50 հրթիռ է օգտագործվել։ Ընդամենը երեք հակակարկտային հրթիռային սարքերի ու 547 գազագեներատորային հակակարկտային կայանների օգնությամբ 709 կարկտավտանգ ամպի վրա ազդեցություն են գործել։ Հակակարկտային պաշտպանության հրթիռային միջոցը շատ ավելի արդյունավետ է, քան գազագեներատորային ակուստիկ միջոցը։ Մեկ գազագեներատորային հրթիռային կայանը 80 հեկտար տարածքի անվտանգություն է ապահովում։ Մինչդեռ մեկ հակակարկտային հրթիռային կայանը 15 հազար հեկտար տարածք է պաշտպանում։
Հայաստանի գյուղատնտեսական տարածքների համար մոտ 14 հազար գազագեներատորային կայան է հարկավոր։ Նման քանակը տեխնիկապես անհնար է սպասարկել։ Մինչդեռ նույն տարածքի պաշտպանության համար 70 հակակարկտային հրթիռային կայանը բավական է։
Մանրամասները դիտեք տեսանյութում։
