Ռուսական ԶԼՄ-ները հայտնում են, որ տոնական քայլերթին մասնակցել են արհմիությունների, քաղաքական ուժերի և տարբեր հասարակական կազմակերպությունների մասնակիցները։ Բժիշկները, շինարարները, դասախոսները, տրանսպորտային ձեռնարկությունների ու բնակարանային, կոմունալ տնտեսությունների աշխատակիցները նույնպես միացել են տոնակատարությանը։ Երթին մասնակցել են նաև բազում երիտասարդներ։
Մոսկվայի ժամանակով ժամը 10:00-ին` ժամացույցի հարվածների հետ միաժամանակ քայլերթը սկսվեց Մոսկովերցկայա ու Կրեմլյովսկայա առափնյա փողոցներից, հետո քայլերթի մասնակիցները միացան ու գնացին Վասիլևսկի էջքով ու Կարմիր հրապարակով դեպի Պատմության թանգարան։
Բազմահազարանոց քայլերթը գլխավորում էր Մոսկվայի քաղաքապետ Սերգեյ Սոբյանինն ու Անկախ արհմիությունների նախագահ Միխայիլ Շմակովը։
Այսօր Մոսկվայում հասարակական կարգը պահպանում են իրավապահ մարմինների 9 հազար աշխատակից։
