ԵՐԵՎԱՆ, 29 Ապրիլ — Sputnik. Հանրապետության տարածքում ապրիլի 30-ին, մայիսի 1-2-ը հյուսիսային շրջաններում կեսօրից հետո սպասվում է կարճատև անձրև և ամպրոպ, առանձին վայրերում հնարավոր է կարկուտ։ Մայիսի 4-ին ժամանակ առ ժամանակ սպասվում է անձրև և ամպրոպ:
Ինչպես տեղեկացնում է ՀՀ ԱԻՆ «Հիդրոմետ» ծառայությունը, ամպրոպի ժամանակ սպասվում է քամու ուժգնացում` 15-20 մ/վ:
Օդի ջերմաստիճանը մայիսի 1-2-ը կբարձրանա 2-3 աստիճանով։
Երևան քաղաքում ապրիլի 30-ի ցերեկը, մայիսի 1-2-ը սպասվում է առանց տեղումների եղանակ։
Մայիսի 3-ի կեսօրից հետո սպասվում է կարճատև անձրև և ամպրոպ, 4-ին ժամանակ առ ժամանակ սպասվում է անձրև և ամպրոպ, ամպրոպի ժամանակ սպասվում է քամու ուժգնացում` 17-20 մ/վ։
