Նունե Մանուկյան. «Մեր նպատակն է բարձրացնել հանրության իրազեկվածությունը հայկական գինի արտադրողների մասին»
Կազմակերպիչների խոսքով` այս տարի ավելի շատ մասնակիցներ ու զբոսաշրջիկներ են ակնկալում տեսնել «Երևանի գինու» օրերի շրջանակում։
«Մեր նպատակն է բարձրացնել հանրության իրազեկվածության մակարդակը հայկական գինի արտադրողների մասին»,-Sputnik Արմենիայի հետ զրույցում նշում է «Արենի» փառատոն հիմնադրամի տնօրեն Նունե Մանուկյան։
Նա մանրամասնում է, որ համապատասխան բուկլետների միջոցով միջոցառման մասնակիցները կարող են տեղեկատվություն ստանալ գինեգործի ապրանքանիշի և արտադրանքի տեսականու վերաբերյալ։
«Միջոցառումը մեկ-երկու օրվա համար չէ, այն նախատեսված է արտադրող–սպառող կապը հետագայում ևս պահելու, և, որ ամենակարևորն է` ձգտում ենք զարգացնել գինու մշակույթը Հայաստանում»,-ասում է միջոցառման կազմակերպիչը։
Ի դեպ, այս տարի գինու համտեսի կտրոնների քանակը հասցվել է 7-ի։
