Արսեն Մկրտչյանի խոսքով` եթե պետությունը կամ լիազոր մարմինը օրինական ճանապարհով ձեռք բերված սեփականությունը խլելու գործընթաց սկսի, բնականաբար, օրենքով թույլատրելի բոլոր միջոցները կձեռնարկվեն, որպեսզի անձի կոնվենցիոն իրավունքը և սահմանադրությամբ երաշխավորված իրավունքը պաշտպանվի։
«Եթե նորմալ դատավարություն լինի, ոչ մի արդար դատարան նման վճիռ չի կայացնի, որպեսզի ունեզրկի քաղաքացուն օրենքին համապատասխան ձեռք բերված սեփականությունից»,- նշում է նա։
Ըստ պաշտպանի՝ 40 անուն գույքը ձեռք է բերվել օրինական աճուրդով, գույքը ունի պետական գրանցում և հետևաբար սեփականության իրավունքով պատկանում է կա՛մ Մանվել Գրիգորյանի ընտանիքի անդամներին, կա՛մ անձամբ նրան։
Նշենք, որ Տարածքային կառավարման և զարգացման նախարարությունը սկսել է Մանվել Գրիգորյանին պատկանող կամ նրա կողմից վարձակալությամբ տնօրինվող 40 անուն անշարժ գույքը համայնքին վերադարձնելու գործընթաց։ Նախարարությունն այժմ ուսումնասիրություններ է կատարում Արմավիրի մարզի համայնքներում, ուսումնասիրում են փաստաթղթերը, որոնք հավաքագրելուց և ամփոփելուց հետո պատրաստվում են դիմել դատարան։
