Չորս տարի առաջ հունվարին հազար տոննա հայկական լոլիկի «ոդիսականը» ռուսական շուկայում բացահայտվեց, երբ Ռուսաստանից մասնագետներ եկան Հայաստան՝ հասկանալու, թե հունվար ամիսն հազար տոննա լոլիկ որտեղից մեզ, այն դեպքում, երբ մինչև այդ անգամ մեկ կգ լոլիկ չէր արտահանվել։
Ռուսներին հետաքրքրել է մեծածախ շուկան և որոշել էին այցելել և տեղում հասկանալ՝ ինչ է կատարվում։ Գևորգյանը նրանց ուղեկցել է շուկա։
«Երբ մենք այցելեցինք շուկա և նրանք արկղների վրա կարդում էին թուրքիշ, թուրքիշ, թուրքիշ, ասեցին՝ չինացու գլխին «պիստալետը պահես», ասես գնա ճապոնական ապրանք առ՝ կյանքում չի առնի, դուք հայերդ այս ինչ եք անում։ Ես ամոթից մեռա»,- պատմել է Գևորգյանը։
Ըստ Գևորգյանի՝ հենց այդ ժամանակ էլ բացահայտվել է թուրքական պիտակներով հայկական լոլիկի ոդիսականը։ Պարզվել է, որ լոլիկը թուրքական է, արկղերը հայկական, ապրանքն էլ հայկականի տակ արտահանվել է ռուսական շուկա։
