«Այսօր մեղադրում են Քոչարյանին, իբր բանակը ներգրավել է քաղաքական գործընթացների մեջ։ Իրականում հենց 1996 թ-ին է առանց ուրևէ իրավական հիմքի բանակը ներգրավված է եղել․ ինձ ծեծողների մեջ եղել են զիվորական համազգեստով մարդիկ»,- այս մասին Sputnik Արմենիայի հետ զրույցում ասաց «Ազգային համաձայնություն» կուսակցության նախագահ Արամ Հարությունյանը։
«1996 թ-ը մի կողմ են թողել, եկել են 2008 թվական։ Ամեն ինչ շուռ են տալիս։ Եթե Ռոբերտ Քոչարյանը արտակարգ դրություն չմտցներ, ապա մարտի 1-ին ավելի շատ զոհեր կունենայինք»,- ասաց Հարությունյանը։
Ըստ Հարությունյանի՝ Նիկոլ Փաշինյանի ձեռքով խաբում են մարտի 1-ի զոհերի հարազատներին։ Ընտրել են թիրախ՝ դա Ռոբերտ Քոչարյանն է, ընտրել են մեղադրյալ՝ դա Քոչարյանն է և փորձում են հանգստացնել զոհերի հարազատներին։ Բայց դա խաբեություն է։
1996 թվականի նախագահական ընտրությունների արդյունքները կեղծելու, ընտրություններից հետո սահմանադրական կարգը տապալելու, ինչպես նաև իր նկատմամբ բռնություն կիրառելու և խոշտանգելու վերաբերյալ հանցագործության մասին գլխավոր դատախազ Արթուր Դավթյանին հասցեագրված հայտարարության հետ կապված Հարությունյանին հրավիրել են ՀՔԾ:
Եթե այս գործին ընթացք չըտրվի Հարությունյանը նշել է, որ կդիմի դատարան, մինչև վերջ գնալու է՝ անգամ մինչև Եվրոդատարան։
