ԵՐԵՎԱՆ, 8 ապրիլի – Sputnik. ՀՀ առողջապահության նախարարության ճառագայթային բժշկության և այրվածքների գիտական կենտրոնի երկու աշխատակցի այսօր թալանել են:
Sputnik Արմենիայի տեղեկություններով` գողությունը տեղի է ունեցել հենց գիտական կենտրոնի վարչական շենքում:
Անձը կամ անձինք մտել են աշխատակիցների սենյակ ու գողացել նրանց դրամապանակները:
Մեր տեղեկություններով՝ տուժած կանայք գիտական կենտրոնում աշխատում են որպես լաբորանտներ:
Ոստիկանության հասարակայնության հետ կապի և լրատվության վարչությունից տեղեկացանք, որ դեպքի առթիվ ոստիկանության Մաշտոցի բաժնում նյութեր են նախապատրաստվում:
Հանգամանքները պարզվում են:
