ԵՐԵՎԱՆ, 7 ապրիլ — Sputnik. Այսօր՝ ապրիլի 7–ին իր անդրանիկ նիստն էր հրավիրել ԵԿՄ 12–րդ արտահերթ համագումարի կողմից ընտրված վարչությունը:
Վարչության նախագահի պաշտոնում միաձայն ընտրվել է Սասուն Միքայելյանը։
Ընտրվել է նաև 25 հոգուց բաղկացած վարչության կազմը. այն նախկինում բաղկացած էր 186 հոգուց։ Վարչության անդամների կրճատումը պատճառաբանվեց շատ անդամներով վարչության նիստերը դժվար անցկացնելու հանգամանքով. յուրաքանչյուր մարզից ընտրվեց մեկական պատվիրակ։
Նորընտիր վարչության կազմում ընդգրկվել են Մանվել Օհանյանը՝ Սյունիքի մարզից , Հովիկ Օհանյանը՝ Վայոց ձոր մարզից , Արամ Սարգսյանը՝ Արարատի մարզից, Մուկուչ Սափեյանը՝ Արագածոտնի մարզից , Բարսեղ Բարսեղյանը՝ Շիրակի մարզից, Գառնիկ Միքայելյանը՝ Կոտայքի մարզից , Գագիկ Խաչատրյանը՝ Գեղարքունիքի մարզից , Սամսոն Խաչատրյանը՝ Լոռու մարզից, Անդրանիկ Մկրտչյանը՝ Երևանից, Սասուն Միքայելյանը, Սուրեն Բարսեղյանը, Մանվել Եղիազարյանը, Արա Կետիկյանը, Ղուկաս Ուլիխանյանը, Անդրանիկ Քոչարյանը, Վաղարշակ Հարությունյանը, Հակոբ Հակոբյանը, Մարտին Կարապետյանը, Աֆղանական պատերազմի վետերանների միության նախագահ Արմեն Մխիթարյանը, Մանվել Հովսեփյանը, «Տիգրան մեծից» ջոկատից Խաչիկ Գալստյանը, Ապրիլյան պատերազմի մասնակիցների միությունից Հրանտ Սարգիսովը, Վարդան Պետրոսյանը, Ռուստամ Գասպարյանը և Ստեփան Նիկողոսյանը:
Հիշեցնենք՝ ԵԿՄ վարչությունը 2018թ–ի հունիսի 24–ին հրավիրած նիստում որոշել էր լիազորություններից զրկել ԵԿՄ վարչության նախագահ Մանվել Գրիգորյանին, որը մեղադրվում է ապօրինի կերպով զենք-զինամթերք պահելու, գույք յուրացնելու, հարկերի վճարումից խուսափելու, պետական միջոցներ վատնելու և շորթմամբ գույքի հափշտակություն կազմակերպելու համար:
