ԵՐԵՎԱՆ, 31 մարտի — Sputnik. Ուկրաինայի ներքին գործերի նախարարությունը երկրի նախագահական ընտրությունների ժամանակ արդեն 25 խախտում է արձանագրել։ Այս մասին գերատեսչությունը հայտնում է Twitter միկրոբլոգի իր էջում։
#Чернігівщина: о 10:50 у м. Борзна на одній із виборчих дільниць за адресою: вул. Пантелеймона Куліша,105 чоловік кинув запальну суміш з подальшим горінням. О 10:51 загорання ліквідовано. Внаслідок події ніхто не постраждав. Виборчий процес не припинявся. pic.twitter.com/RBhR9m4mjj
— МВС України (@MVS_UA) 31 марта 2019 г.
«Մարտի 31-ին ոստիկանությունն ընտրական գործընթացի հետ կապված 25 դիմում ու հաղորդագրություն է ստացել», - նշվում է հաղորդագրության մեջ։
Մասնավորապես, 7 դեպքը կապված են ապօրինի քարոզարշավի հետ, մեկը՝ կաշառքի, երկուսը՝ ընտրաթերթիկը լուսանկարելու, մեկը՝ ընտրաթերթիկը ընտրատարածքից հանելու փորձի։
Ավելի վաղ հայտնի էր դարձել, որ ժամը 9:00 (տեղի ժամանակով) Ուկրաինայում յոթ ընտրատարածք չի բացվել։
Մինչդեռ Ուկրաինայի ԿԸՀ-ն հայտնում է, որ ընտրությունները սովորական ռեժիմով են ընթանում։
Նշենք, այսօր Ուկրաինայում նախագահական ընտրություններ են անցկացվում։ Ընտրատարածքները գործելու են տեղի ժամանակով 8.00 – 20.00։
Նախագահի պաշտոնի համար պայքարում են 39 թեկնածու, սա ռեկորդային ցուցանիշ է։
Նախագահի լիազորությունների ժամկետը հինգ տարի է։ ԿԸՀ-ն պետք է հայտարարի ընտրությունների արդյունքը մինչև ապրիլի տասը։
Եթե թեկնածուներից ոչ ոք առաջին փուլում չկարողանա հավաքել քվեների ավելի քան կեսը, ապրիլի 21-ին երկրորդ փուլ կնշանակվի։
