ԵՐԵՎԱՆ, 30 մարտի – Sputnik. ԱԱԾ-ն իրականացրել է օպերատիվ հետախուզական միջոցառում, ինչից հետո բերման է ենթարկել առողջապահության նախարարի տեղակալ Արսեն Դավթյանին։ Facebook սոցիալական ցանցի իր էջում գրել է ՀՀ առողջապահության նախարար Արսեն Թորոսյանը` արձագանքելով այսօր տարածված լուրերին, այն մասին, որ ԱԱԾ–ն ձերբակալել է առողջապահության փոխնախարարներից մեկին։
«Այլ մանրամասների այս պահին չեմ տիրապետում։ Կարծում եմ` ԱԱԾ-ն պարզաբանում կտա ավելի ուշ»,– գրել է նախարարը։
Արսեն Թորոսյանը նշել է, որ այս պահին Հայաստանում չէ։
![Հայտնի է ձերբակալված փոխնախարարի անունը. լուսանկար Հայտնի է ձերբակալված փոխնախարարի անունը. լուսանկար - Sputnik Արմենիա](https://cdn.am.sputniknews.ru/img/1334/31/13343169_0:0:1498:1000_600x0_80_0_0_7fa59a69e3b116afe09a1ffc1e07495b.jpg)
Այսօր «Փաստինֆոն» հայտնել էր, որ ԱԱԾ-ն առողջապահության փոխնախարարին ձերբակալել է կաշառքը վերցնելու պահին։
Նախարար Թորոսյանն այս պահին արձակուրդում է։ ՀՀ վարչապետ Նիկոլ Փաշինյանի որոշմամբ՝ նա մարտի 25-29-ը ներառյալ մեկնել է ամենամյա արձակուրդի, աշխատանքի կվերադառնա երկուշաբթի` ապրիլի 1-ին։