ԵՐԵՎԱՆ, 30 մարտի –Sputnik. Հայաստանն ընդգրկվել է աշխարհի լավագույն հետիոտնային երթուղիների ցանկում։
CNN Travel–ի ցուցակում ընդհանուր առմամբ 23 երկիր է ընդգրկված, այդ թվում`Հայաստանը, Մեծ Բրիտանիան, Իսպանիան, ԱՄՆ–ն, Ճապոնիան, Արգենտինան, Մարոկկոն, Չինաստանը, Հոնկոնգը, Իռլանդիան, Բութանը, Ավստրիան, Գերմանիան, Հնդկաստանը, Ուգանդան, Իսլանդիան և Իտալիան։
Պարբերականը նշում է, որ Հայաստանով է անցնում Եվրոպայի լավագույն հետիոտնային երթուղին։
«11 օր է պետք` տեսնելու համար Սանահինի և Հաղպատի վանքերը, որոնք ներառված են ՅՈւՆԵՍԿՕ–ի համաշխարհային ժառանգության ցանկում», – գրված է հոդվածում։
Հեղինակները նշում են նաև, որ ճանապարհին հիասքանչ տեսարաններ են բացվում, կարելի է քայլել սաղարթախիտ անտառների միջով, Գեղամա լեռներով ու Արագած բարձրանալ։
