ԵՐԵՎԱՆ, 29 մարտի — Sputnik. «Մուդիզ» վարկանշային կազմակերպությունը ՀՀ-ի սուվերեն վարկանիշի հեռանկարը և ՀՀ բանկային համակարգի կանխատեսումը «կայուն»-ից դարձրել է «դրական»: Այս մասին գրել է ՀՀ վարչապետ Նիկոլ Փաշինյանը ֆեյսբուքյան իր էջում։
«Դա վկայում է այն մասին, որ «Մուդիզը» մոտակա 12-18 ամիսների կտրվածքով ՀՀ-ի տնտեսական զարգացումները գնահատում է դրական»,–նշել է Փաշինյանը:
Ի դեպ, «Մուդիզի» այս ցուցանիշն ակնկալում հաջորդ 12-18 ամսվա ընթացքում բանկերի վարկունակության զարգացում և տնտեսական բարձր ցուցանիշներ, որոնք կարող են խթանել գործարար ակտիվությանն ու վարկերի պահանջարկին` այդ կերպ օգնելով բարձրացնել բանկերի շահութաբերությունը:
Մասնավորապես, ըստ գործակալության կանխատեսումների, ՀՆԱ-ի աճը 2019-2020 թվականներին կպահպանվի բարձր մակարդակի վրա` մոտավորապես 4,5 տոկոս արդյունք գրանցելով։