00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Ինչու է փակվել Լևոն Արոնյանի և Գաբրիել Սարգսյանի հիմնած շախմատի դպրոցը. թնջուկը բացվել է

© Photo : Lennart Ootes / Altibox Norway ChessЛевон Аронян во время партии с Магнусом Карлсеном на турнире Altibox Norway Chess 2018 (30 мая 2018). Ставангер, Норвегия
Левон Аронян во время партии с Магнусом Карлсеном на турнире Altibox Norway Chess 2018 (30 мая 2018). Ставангер, Норвегия - Sputnik Արմենիա
Բաժանորդագրվել
Գրոսմայստերական դպրոցին տարածք էր տրամադրվել «Միկա» մարզադաշտում, որը նախկինում ՊԵԿ–ի ենթակայության ներքո էր։ Այժմ «Միկան» սպորտի և երիտասարդության հարցերի նախարարության ենթակայությամբ է գործում։

ԵՐԵՎԱՆ, 28 մարտի — Sputnik, Կարինե Հարությունյան. Գրոսմայստերների շախմատի դպրոցը երբեք Սպորտի և երիտասարդության հարցերի նախարարության ենթակայության տակ չի եղել, և նախարարությունը որևէ առնչություն չունի դրա` բացվել–փակվելու հետ։ Sputnik Արմենիայի հետ զրույցում նշեց ՀՀ սպորտի և երիտասարդության հարցերի նախարարի մամուլի քարտուղար Աստղիկ Մարտիրոսյանը։

Նշենք, որ միջազգային գրոսմայստերներ Լևոն Արոնյանի և Գաբրիել Սարգսյանի շախմատային դպրոցը փակվել է։

Левон Аронян - Sputnik Արմենիա
Միտու՞մ, թե՞ անփութություն. շախմատի գրոսմայստերական դպրոցը փակման եզրին է

«Ճիշտ է, մեր սիրելի գրոսմայստերները` անուրանալի վաստակ ունեցող շախմատիստները, միացել ու դպրոց են բացել, սակայն այն պետական կարգավիճակ չունեցող դպրոց է եղել, ուղղակի ՊԵԿ–ի կողմից է ֆինանսավորվել։ Մարզիչները, որոնք երեխաների հետ պարապել են, նույնպես ֆինանսավորվել են ՊԵԿ–ի` արտաբյուջետային միջոցներից»,–ասաց Մարտիրոսյանը։

Նշենք, որ գրոսմայստերական դպրոցին տարածք է տրամադրվել «Միկա» մարզադաշտում, որը նախկինում ՊԵԿ–ի ենթակայության ներքո էր, ինչի համար էլ հենց ՊԵԿ–ն էր ֆինանսավորում դպրոցին։ Սակայն այժմ «Միկան» Սպորտի և երիտասարդության հարցերի նախարարության ենթակայությամբ է գործում։ Այսինքն` ստացվում է, որ ՊԵԿ-ն իրականում այլևս ոչ մի գործառույթ չունի դպրոցի հետ կապված և որևէ իրավական հիմք չկա, որ այդ կառույցը շարունակեր աշխատավարձ տալ, մարզիչների հաստիքները պահեր, քանի որ ՊԵԿ–ը, բնականաբար, մարզական որևէ գործառույթ չունի։

Սպորտի և երիտասարդության հարցերի նախարարի մամուլի քարտուղարի խոսքով` հաշվի առնելով այն հանգամանքը, որ շախմատը մեր ամենաառաջնային մարզաձևերից է, և այնտեղ բավական լուրջ արդյունքներ արձանագրած սաներ կան, նախարարությունը մտահոգված է եղել ոչ թե դպրոցի, այլ սաների և մարզիչների ճակատագրով։ «Նախարարությունը մարզիչներին առաջարկել է աշխատել մեր ենթակայության դպրոցներում, սակայն նրանք չեն համաձայնել` ասելով, որ մեր կողմից առաջարկվող աշխատավարձն ավելի ցածր է, քան իրենք նախկինում են ստացել»,–ասաց Մարտիրոսյանը։

Шахматист Габриэль Саркисян - Sputnik Արմենիա
ՌԱԴԻՈ
Սարգսյան. «Աշխարհի լավագույն մարզիչը չի կարող 120 000 դրամով աշխատել»

Նա հավելեց նաև, որ պետության հոգածության ներքո գտնվող բոլոր մարզադպրոցները ՊՈԱԿ–ներ են, իսկ գրոսմայստերների դպրոցը ստեղծվել է անհատների կողմից, և պետական միջամտություն ի սկզբանե չի եղել։

Հայաստանի շախմատի ֆեդերացիայի տեսակետն իմանալու համար կապ հաստատեցինք ֆեդերացիայի փոխնախագահ Սմբատ Լպուտյանի հետ։ Վերջինս, սակայն, նշեց, որ այդ թեմայի առնչությամբ քանիցս խոսել է, և հավելելու որևէ բան չունի։

Ի դեպ, Լպուտյանը տարեսկզբին լրագրողների հետ զրույցում նշել էր, որ ցանկալի կլիներ, որ շախմատի դպրոցների պետական ֆինանսավորումը պահպանվեր:

Հիշեցնենք, որ Գաբրիել Սարգսյանը տարեսկզբին մեզ հետ զրույցում նշել էր, որ շախմատային դպրոցը ֆինանսավորելու ցանկություն են հայտնել արտասահմանից:

Ի դեպ, դպրոցն ամսական 1 մլն 500 հազար դրամի ֆինանսավորում է ստացել։ Շախմատի դպրոցի ֆինանսավորումն անցած տարեվերջից է դադարեցվել, սակայն դպրոցի հիմնադիրները հույս ունեին, որ այդ որոշման վերանայում կլինի։

2012-ից գործող դպրոցը բացվել էր Հայաստանի նախագահ ու շախմատի ֆեդերացիայի նախագահ Սերժ Սարգսյանի աջակցությամբ:

Լրահոս
0