ԵՐԵՒԱՆ, 23 մարտի — Sputnik. Հասարակութեան մէջ լարուածութիւնը եւ քաղաքական իրավիճակը կը ստիպեն պաշտպանութեան նախարարութեան արձագանքել, Sputnik Արմենիային ըսաւ ռազմական փորձագէտ Դաւիթ Յարութիւնովը` մեկնաբանելով պաշտպանութեան նախարարի յայտարարութիւնը:
Հինգշաբթի կառավարութեան նիստին պաշտպանութեան նախարար Դաւիթ Տոնոյեան յայտարարած է, որ գերատեսչութիւնը կը քննարկէ ժամկէտային զինծառայողներու համար ծառայութեան ժամկէտը փոխելու հարցը:
Յարութիւնովի խօսքով` յայտարարութիւնը բաւական կարճ եղած է, մանրամասնութիւններ չեն ներկայացուած: Դժուար է ըսել, թէ ճիշդ ինչ իմաստ ունի խօսքը: Եւ քանի որ նախարարը յայտարարած է, որ անոնք կը քննարկեն հարցը, ապա վերջնական հայեցակարգ, ամենայն հաւանականութեամբ, չկայ:
«Զինուած ուժերը երկին մէջ երկու մասի բաժնելու մօտեցումը (մարտական կորիզ եւ անմիջական մարտական գործողութիւններու հետ չկապուած ստորաբաժանումներ) սկզբունքօրէն նոր չէ: Բայց հիմնականին մէջ ատիկա վերաբերած է ժամկէտային եւ պայմանագրային զինծառայողներու բաժնելուն», – ըսաւ Յարութիւնով:
Օրինակ, Ռուսաստանի զինուած ուժերը հիմնականին մէջ համալրուած է պայմանագրային զինծառայողներով: Իսկ ժամկէտային զինծառայողներու թիւն անընդհատ կը նուազի:
Հայաստանի պարագային, եթէ խօսքը կ’երթայ միայն ժամկէտային զինծառայողներու մասին, ապա հարց կը ծագի: Թիկունքի ստորաբաժանումները, ելլելով գործօն իրավիճակէն, կրնան տեղափոխուիլ մարտական դիրքեր: Հնարաւոր է, որ այդ հարցերը լուծումներ գտած են ՊՆ–մէջ, եւ ատոնք կը պարզաբանուին:
Յարութիւնեանի կարծիքով` նորամուծութիւններու պատճառը կրնայ ըլլալ հասարակութեան մէջ տիրող լարուածութիւնը` կապուած ռազմական գործողութիւններու հետ ցած զօրութեան (որոնք չեն դադրիր` չնայած լարուածութեան նուազման):
«Հասարակութեան մէջ գոյութիւն ունի լարուածութիւն եւ որոշակի պահանջներ` ուղղուած ռազմաքաղաքական ղեկավարութեան` կապուած առաջնագիծին կորուստներուն հետ:Հարցը պէտք է ինչ–որ կերպ լուծուի», – ըսաւ Յարութիւնով:
Միւս կողմէն, կայ նաեւ քաղաքական հարց: Հարցը կը բարձրացնեն նաեւ քաղաքական ուժերը, օրինակ, «Բարգաւաճ Հայաստան»-ի առաջարկը առաջնագիծը միայն պայմանագրային զինծառայողներով համալրելու մասին:
Միաժամանակ, փորձագէտը որոշակի խնդիրներ կը տեսնէ նման մօտեցում իրագործելու մէջ: Պայմանագրային զինծառայողներու թիւի աւելացումը կ’ենթադրէ լրացուցիչ ֆինանսական ծանրաբեռնուածութիւն:
Յարութիւնովի խօսքով` իրավիճակը Իսրայէլի հետ համեմատելը ճիշդ չէ, որովհետեւ հրէական պետութիւնը ճնշող առաւելութիւն ունի ռազմական տեխնիկայի ոլորտին մէջ, եւ անոնք կրնան իրենց թոյլ տալ ծառայութեան այլ ձեւաչափ:
«Արդիւնաւէտ ռազմաօդային ուժերը թոյլ կու տան սկզբնական փուլին փոխհատուցել մարտական գործողութիւններուն ընդգրկուած զինուորներու թիւը», – նշեց Յարութիւնով:
Ատոր կ’աւելնայ նաեւ պահուստային համակարգը եւ շարք մը ուրիշ հարցեր:
Աւելին, վերջին տարին Ատրպէյճանի հետ հակասութիւնները ցոյց տուած են, որ հակամարտութիւն կրնայ տեղի ունենալ ոչ որպէս լայնածաւալ ռազմական գործողութիւններ, որոնց կարելի է նախապատրաստուիլ: Խօսքը սահմանափակ ռազմական գործողութիւններու մասին է, որոնք տեղի կ’ունենան անսպասելի եւ բաւական կարճ կը տեւեն:
«Ռազմական գործողութիւններու ծանրութիւնը սովորաբար կ’իյնայ անոնց վրայ, որոնք տուեալ պահուն կը գտնուին առաջնագիծին: Ատիկա լուրջ հարց է, որ պէտք է հաշուի առնել ռազմավարութիւն մշակելու ծիրէն ներս, – նշեց Յարութիւնով:
Ինչպէս նշած է Դաւիթ Տոնոյեան, այժմ ՊՆ մէջ կը քննարկուի մարտական հերթապահութեան ընդգրկուած ժամկէտային զինծառայողներու պարտադիր ծառայութեան 24-ամսեայ ժամկէտը կրճատելու, իսկ մարտական հերթապահութեան չընդգրկուած զինծառայողներու պարտադիր ծառայութեան ժամկէտն աւելցնելու հնարաւորության հարցը։
