ԵՐԵՎԱՆ, 7 մարտի — Sputnik. Ըստ Նիկոլ Փաշինյանի` ևս տուժվում են ՄԻՆՉԵՎ 10000 ՀՀ քաղաքացիներ, շահում է Հայոց պետականությունը։ Այս մասին ֆեյսբուքյան իր պաշտոնական էջում գրել է ՀՀ ԱԺ նախկին փոխխոսնակ Արփինե Հովհաննիսյանը` անդրադառնալով նախարարությունների օպտիմալացման բերած վնասների և օգուտներին։
Արփինե Հովհաննիսյանին զարմացրել է, որ կառավարության հարցուպատասխանին վարչապետ Նիկոլ Փաշինյանը ոչ միայն ներողություն չհայցեց ՀՀ այն քաղաքացիներից, որոնց իր կառավարության անդամները պիտակավորել էին, որպես հավելյալ արդյունք չստեղծող, այլև այդպես էլ չբացատրեց՝ ինչ է նշանակում «հավելյալ արդյունք»։Հետևաբար, Նա ներկայացրել է անպատասխան մնացած հարցերը.
• Ի՞նչ չափանիշների հիման վրա է գնահատվելու հավելյալ արդյունքը։
• Ինչ-որ չափանիշ կա, որ թույլ կտա որոշել արդյո՞ք վարչապետը, փոխվարչապետերը, նախարարները հավելյալ արդյունք ստեղծում են, թե ոչ։
• Ինչպե՞ս է որոշվելու, օրինակ, հավելյալ արդյունքը պաշտպանության, սոցիալական պաշտպանության ոլորտում։Ո՞րն է մեթոդաբանությունը։
• Ո՞րն է լինելու այն հստակ, կանխատեսելի բանաձևը, որը մինչև «արդյունք չստեղծող» իրավաբանին ,հաշվապահին աշխատանքից ազատելը, թույլ կտար որոշել ի վերջո այդ մարդիկ արդյունք ստեղծում են կամ երբևէ ստեղծել են։
Իրավաբանի Հովհաննիսյանի դիտարկմամբ` իրավաբանի և հաշվապահի հետ կապված վարչապետի մոտեցումը շատ հետաքրքիր է մեկ այլ տեսանկյունից։
«Պարզվում է՝ այս պարագայում հեռացվելու են ոչ թե «հավելյալ արդյունք» չստեղծողները, այլ նրանք, ովքեր իրապես կայացած են։ Վարչապետի հոգատար մոտեցումը այն է, որ քանի որ այդ մարդիկ կայացած պրոֆեսիոնալներ են, ավելի լավ է չծառայեն պետական համակարգում, այլ լավ աշխատանք գտնեն մասնավոր հատվածում, հարստանան և երջանիկ լինեն։
Ու քանի որ այս հարցերի պատասխանները վարչապետը չուներ և, ենթադրում եմ, երբևէ չէր էլ ունեցել, նա տվեց իր համար ամենահեշտ պատասխանը, որ խոսքը ոչ թե հավելյալ արդյունք չստեղծողների, այլ ընդհանարապես արդյունք չստեղծողների՝պարապ-սարապների մասին է։Ավելին` պարզվեց ծայրահեղը միայն տասը հազար քաղաքացիների կրճատումն է, իսկ օրինակ 9000 քաղաքացիների կրճատումը դիտարկվում է մինչև տասը հազարի մեջ և ամենևին սարսափելի չէ»,–գրում է Հովհաննիսյանը։
Արփինե Հովհաննիսյանին զարմացրել էր նաև վարչապետի արդյունք չստեղծող մարդկանց որոշելու բանաձևը։ «Արդյունք չստեղծողները» նրանք ենք, ովքեր որևէ կերպ կապված են նախկին իշխանությունների հետ։
«Ավելին՝ երեկ Վարչապետի մանիպուլյացիաները, հանրապետական անցյալում կրկին մեղավորներ փնտրելը, անհանգստությունը ունեին իրենց հստակ պատճառը` ինքը լավ գիտեր, որ արդեն Պաշտոնապես համաձայնվել է իր ենթականեր փոխվարչապետի ու ֆինանսների նախարարի հետ ու դրա հիման վրա տվել է հանձնարարականներ բոլոր պետական կառավարման մարմիններին՝ բոլոր միջոցներով ազատվել անցանկալի պետական ծառայողներից»,–գրել է Արփինե Հովհաննիսյանը և կից փաստաթուղթ հրապարակել։
Հետգրության մեջ նախկին պաշտոնյան վարչապետին հիշեցնում է, որ ամփոփելով վերջին տասը ամսվա, կադրային քաղաքականությունը, կարելի է ստանալ պետական համակարգում ընդգրկվելու Ձեր հիմնական չափանիշները՝ վարչապետի բարեկամներ, ամենաշատը քայլածներ, ամենաշատը լայքածներ, ամենաշատ հեղափոխության արժեքներին հավատացողներ և Հայոց պետականության ծաղկման վերաբերյալ ամենասիրառատ գրություններ կազմողներ։ Հայհոյողները սրանց մեջ են:
Արփինե Հովհաննիսյանը սթափության կոչ է անում Փաշինյանին` նշելով, որ ժամանակն է վերջապես հասկանալու, որ Դուք միայն հեղափոխականների վարչապետը չեք, այն նաև «հակահեղափոխականների» վարչապետը։ Դուք պարտավոր եք հոգ տանել Հայաստանի Հանրապետության յուրաքանչյուր քաղաքացու բարեկեցության համար։
