Սպորտային տոտալիզատորներում խաղադրույքներ են արվում ոչ միայն խաղի վերջնական արդյունքի վրա. այստեղ երևակայությունը սահմաններ չունի։ Ընդհուպ մինչև այն, որ օրինակ, խաղի որոշակի հատվածում կպատռվի խաղացողներից մեկի մարզաշապիկը։ Կամ տեղի կունենա այն, ինչ անցած տարի կատարվել է հեռավոր Պարագվայում։
Այնտեղի բուքմեյքերները մի քիչ զարմացել են, երբ տեսել են, որ խաղադրույք է արվում այն բանի վրա, որ ֆուտբոլային թիմերից մեկի խաղացողը տեղի առաջնության հանդիպման երկրորդ խաղակեսում գլխով կհարվածի դարպասաձողին։ Խաղը սկզբունքային է եղել, և ամեն ինչ գնացել է ոչ ոքիի, սակայն 22 խաղացողներից ոչ մեկը չի ցանկացել գլխով ստուգել դարպասաձողի ամրությունը։
Արդեն ավելացրած ժամանակի ընթացքում թիմերից մեկի ֆուտբոլիստը գնդակն ուղարկել է տրիբունների վրա և զայրույթից սկսել է գլխով հարվածել դարպասաձողին։ Արդեն ծիծաղելի չէր, բուքմեյքերները խոշոր շահում են վճարել օրիգինալ հաճախորդին։ Ամբողջ պատմության մեջ մութ է մնացել միայն`արդյո՞ք ծանոթ են խաղադրույք արած մարդը և վրիպումից զայրացած հարձակվողը։
Այնպես որ խաղադրույքների թեմատիկ բազմազանության մեջ ոչ ոք մյուսներին չի սահմանափակում, դա անհատական երևակայության և ճաշակի հարց է։ Իսկ նրանց, ովքեր սովորական խաղադրույքներ են անում խաղի կամ մրցաշարի ավարտի վրա, հետաքրքիր կլինի իմանալ, թե ինչպես են գնահատում բուքմեյքերները հաղթանակի շանսերը հայկական պրեմիեր լիգայում։
Լավագույն շանսերը, իհարկե, առաջատար «Ալաշկերտն» ունի․ գործակիցը 2,85 է։ Երկրորդ տեղը զբաղեցնող «Բանանցի» գործակիցը 3,20 է։ Երկու թիմերը կիսում են չորսական միավոր, առավել ևս, որ առաջնության կեսի ավարտին, չորս խաղերում անընդմեջ պարտվելուց հետո, «Բանանցը» ձմեռային արձակուրդի գնաց «Շիրակի» դեմ տարած խոշոր հաղթանակով։
Մրցաշարային աղյուսակում երրորդ տեղը զբաղեցնում է «Փյունիկը», որը հրաժեշտ է տվել հայկական ֆուտբոլում բազմամյա հեգեմոնիային, նրա գործակիցը գնահատվում է 3,35։ Երկու ակումբները՝ «Արարատը» և «Արցախը», որոնք անհուսալիորեն եզրափակում են մրցաշարային աղյուսակը, ունեն անհավանական բարձր գործակիցներ։
Իհարկե, հայկական առաջնությունը որոշակի առումով անկանխատեսելի է, հատկապես երկար սեզոնային ընդմիջումից հետո։ Սակայն տրանսֆերային շրջանում մեկ հաջող ձեռքբերումը (կամ մեկ զգալի կորուստը) կարող է ուժեղ ազդեցություն ունենալ կոնկրետ թիմի հետագա ելույթի վրա։ Ուստի կարելի է ռիսկի գնալ՝ խաղադրույք անելով այսօրվա ոչ ակնհայտ ֆավորիտի վրա․ «Բանանցը, «Շիրակը», «Արարատ Արմենիան» և «Լոռին» լիովին կարող են անակնկալ մատուցել։
