ԵՐԵՎԱՆ, 25 փետրվարի — Sputnik. Մոսկվայի Բուտիրյան դատարանը տնից դուրս է արել Խաչատուրյան քույրերից ավագին` Քրեստինային։ Այս մասին հաղորդում է ՌԻԱ Նովոստին` հղում անելով դատարանի մամուլի քարտուղար Տատյանա Իսաևային։
Ավելի վաղ հաղորդվել էր, որ Լիդիա Խաչատուրյանը` Միխայիլ Խաչատուրյանի մայրը, որի սպանության մեջ մեղադրվում են նրա երեք դուստրերը, որոշել է բնակարանից դուրս անել նրանցից մեկին։ Խոսքը ավագ թոռի` Քրեստինայի մասին է։ Նշվում է, որ կինը հայց է ներկայացրել դատարան։ Մինչ այդ դատարանի որոշմամբ նա պաշտոնապես դուրս է գրել բնակարանից Միխայիլի նախկին կնոջը` Աուրելիային և նրանց որդի Սերգեյին։
Այսպիսով, դատարանը բավարարել է Խաչատուրյանի մոր հայցը, որին պատկանում է բնակարանը։
«Դատարանը բավարարել է հայցի պահանջները», – ասել է մամուլի քարտուղարը։
Քրեստինայի փաստաբանը` Ալեքսեյ Լիպցերը, նշել է, որ բնակարանը սպանվածի մոր սեփականությունն է, և նա իրավունք ունի այնտեղից դուրս հանել ում ցանկանա։
