ԵՐԵՎԱՆ, 22 փետրվարի – Sputnik. Զինծառայողների ապահովագրության հիմնադրամը որոշել է սահմանված կարգով հատուցումներ կատարել 2 զոհված զինծառայողների ընտանիքներին: Այս մասին հայտնում է հիմնադրամի մամուլի ծառայությունը։
«Այսօր պայմանագրային զինծառայող, սերժանտ Հայկ Սամվելի Քարամյանի և պայմանագրային զինծառայող, շարքային Հովհաննես Գրիշայի Մելքոնյանի ընտանիքներին կփոխանցվի միանվագ 10-ական միլիոն ՀՀ դրամ և 20 տարվա ընթացքում կտրամադրվի ամսական 250 000 ՀՀ դրամ»,– նշված է հաղորդագրության մեջ:
Հայկ Քարամյանը մահացել էր ձնահյուսի պատճառով։ Անցած տարվա դեկտեմբերին Սիսիանում մի խումբ զինծառայողներ մնացել էին ձնահյուսի տակ։ Բոլորին գտել էին, բայց մեկին գտնել չէր հաջողվում: Դեկտեմբերի 6-ին Հայկին մահացած էին գտել։
Հովհաննես Մելքոնյանը մահացել է անցած տարվա հունիսի 22-ին։ Քննիչները պարզել էին որ նրան սպանել է վաշտի հրամանատարի տեղակալը (ոգելից խմիչքի ազդեցության տակ)։
