ԵՐԵՎԱՆ, 19 Փետրվար — Sputnik. 15 տարի առաջ Հունգարիայում տեղի ունեցավ ատելության հողի վրա հանցագործություն, երբ Ադրբեջանի սպա Ռամիլ Սաֆարովը կացնահարելով սպանեց Գուրգեն Մարգարյանին ՆԱՏՕ-ի դասընթացների ժամանակ: Գրել է ՀՀ ԱԳՆ խոսնակ Աննա Նաղդալյանը Facebook-ի իր էջում:
Նա հիշեցրել է, որ Հունգարիայում ցմահ ազատազրկման դատապարտված Սաֆարովը հետագայում արտահանձնվեց Ադրբեջանին, որտեղ սկսեց նրա հերոսացման գործընթացը: Ըստ նաղդալյանի՝ այսպիսով գործարքը գերադասվեց արժանապատվությունից և արդարությունից:
«Ատելությամբ ուղղորդված մարդասպանի հերոսացումը զոհի՝ հայ լինելու պատճառով ավելի է ուժեղացնում մեր մտահոգությունն Արցախի ժողովրդի կենսական անվտանգության նկատմամբ»,-եզրափակել է իր գրառումը Նաղդալյանը:
