00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
Լուրեր
09:28
46 ր
Ուղիղ եթեր
Լուրեր
10:00
46 ր
Ուղիղ եթեր
Ուրիշ նորություններ
10:47
5 ր
Ուղիղ եթեր
Լուրեր
11:00
46 ր
Ուղիղ եթեր
Լուրեր
13:00
46 ր
Ուղիղ եթեր
Լուրեր
14:00
46 ր
Ուղիղ եթեր
Լուրեր
17:00
46 ր
Ուղիղ եթեր
Լուրեր
18:00
46 ր
Ուղիղ եթեր
Լուրեր
19:00
46 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Բլոգե՞ր, թե՞ գործիք. ո՞վ է ադրբեջանցին, որ Արցախի քաղաքացիության հայտ է ներկայացրել

© Sputnik / Irade CELILРашад Ализаде
Рашад Ализаде - Sputnik Արմենիա
Բաժանորդագրվել
Մամուլում տեղեկություններ են հայտնվել այն մասին, որ Ադրբեջանի մի քաղաքացի՝ Ռաշադ Ալիզադեն, դիմել է Արցախի իշխանություններին՝ խնդրելով իրեն քաղաքացիություն տրամադրել։

ԵՐԵՎԱՆ, 11 փետրվարի — Sputnik. Ադրբեջանի քաղաքացին, որը ցանկանում է Արցախի Հանրապետության քաղաքացիություն ստանալ, ամենայն հավանականությամբ, բլոգեր Ռաշադ Ալիզադեն է, որը հայտնի է «Rashad Bakinskiy» մականունով։

Ավելի վաղ «Արցախպրես» լրատվական գործակալությունը հայտնել էր, որ Ադրբեջանի քաղաքացի Ռաշադ Ալիզադեն դիմել է ԼՂՀ ԱԳՆ՝ խնդրելով իրեն տրամադրել Արցախի քաղաքացիություն։

Нагорный Карабах - Sputnik Արմենիա
Ադրբեջանցին Արցախի քաղաքացի է ուզում դառնալ

Sputnik Արմենիա գործակալությունը հարցում է ուղարկել Արցախի ԱԳՆ՝ խնդրելով լրացուցիչ տվյալներ տրամադրել այդ մասին, սակայն մերժում է ստացել։

«Արտաքին գործերի նախարարությունը չի մեկնաբանում «Արցախպրես» գործակալության հոդվածը՝ հրապարակված փետրվարի 6-ին», - ասվում է Ստեփանակերտից ստացված պատասխանում։

Համացանցում որոնումների արդյունքում ի հայտ եկավ, որ Ռաշադ Ալիզադեին 2016թ-ի հուլիսին (Ղազախստանում գտնվելու ժամանակ) տուգանք են նշանակել երթևեկության կանոնները խախտելու համար։ Այդ ժամանակ տեղի է ունեցել ինչ-որ մութ պատմություն, և Ալիզադեն ինքը խնդրել  է պարզել այն։

Հետագա որոնումը ցույց է տալիս, որ Ալիզադեն «Ռաշադ Բակինսկի» անունով բլոգերն է, որը գրում է նաև Արցախի մասին։

Դեռ 2016թ-ի օգոստոսին նա գրել է․ «Ինչ էլ լինի, Կովկասում առաջնորդ է եղել և մնում Ադրբեջանը։ Չնայած ամեն ինչի՝ մենք հետ կվերադարձնենք մեր հողերը»։

Սակայն արդեն 2017թ-ին Ալիզադեն Ադրբեջանում ավելի լուրջ խնդիրներ է ունենում, քան երթևեկության կանոնների խախտումը։ Պարզվում է, որ Ադրբեջանից նրա դուրս գալը սահմանափակվել է պետության դիմաց 393 հազար մանաթ (մոտ 230 հազար դոլար) հարկային պարտավորվածության պատճառով։

Музей-институт Геноцида Армян - Sputnik Արմենիա
Հաջիևի այցի հաշվետվության առաջին կտորը. ի՞նչն է մատնում «Թուրանի» խմբագրին

Ալիզադեն պատմել է, որ երկար ժամանակ ապրել է Վրաստանում, հետո տեղափոխվել Ղազախստան, որտեղ խոշոր բեռնատարների վարորդ է աշխատել:

Իսկ Azavrocom ընկերությունը, որը գրանցված է նրա անունով (թեև նա ոչինչ չի ձևակերպել և չի ստորագրել) և որը 393 հազար մանաթ պարտք ունի, զբաղվել է փողերի լվացմամբ։

Ալիզադեն 2018թ-ին բլոգում գրում է դատական քաշքշուքների մասին։

Հետաքրքիր է, որ 2019թ-ի հունվարի 18-ին զգալի դադարից հետո ( դրա նախորդ գրառումը նա արել էր 2018թ-ի ապրիլին) նրա բլոգում հայտնվում է «ուղերձ հայ ժողովրդին»՝ բոլորովին այլ բովանդակությամբ, քան 2016թ-ինն էր։

«Իմ անունը Ռաշադ է։ Արդեն չորրորդ տարին է՝ գործում եմ որպես բլոգեր։ 2013թ-ից եղել եմ ընդդիմության շարքերում և տարբեր հոդվածներ գրել ադրբեջանական պետության դեմ։ Ադրբեջանցիների մեծամասնության նման ես քննադատել եմ Հայաստանը և համարել մեր միակ թշնամին։ Ես ամաչում եմ, որ երկար ժամանակ եղել եմ պատերազմի կողմնակից և կարծել, որ հակամարտության միակ լուծումը պատերազմն է», - գրում է Ալիզադեն։

Ալիզադեն հռետորական հարցեր է տալիս, թե «ինչու ենք մենք պատերազմում», «ինչու ենք մենք ատում միմյանց»։

«Եկեք ավելի լավ ճանաչենք միմյանց։ Եկեք միմյանց ճանաչելու շանս տանք, ի վերջո հասկանանք, որ Կովկասը մեր ընդհանուր տունն է, որ երկրները, որտեղ մենք գրանցված ենք, ընդամենը մեր տան սենյակներն են», - կարծում է Ռաշադը։

Միգուցե, ելնելով այդ սկզբունքից, Ալիզադեն քաղաքացիություն է խնդրել «սենյակներից մեկում»։ Միգուցե բլոգերին դրդել է այդ քայլին Ադրբեջանում դատական հետապնդումը և ինչ-որ մեկի կողմից առաջարկված «լուծումը»։

Թեև քիչ հավանական է, բայց նաև ենթադրում ենք, որ խոսքը ոչ թե այդ բլոգերի, այլ ինչ-որ ուրիշ Ռաշադ Ալիզադեի մասին է։

Լրահոս
0