ԵՐԵՎԱՆ, 29 հունվարի — Sputnik. Անգլիական Ուեսթ Յորքշիր կոմսության բնակչուհի Էբիգեյլ Թոմփսոնը պատահաբար գտել է 12 տարի առաջ կորցրած մատանին։ Ամբողջ ժամանակ մատանին թաքնված է եղել նրա քթում, գրում է The Sun–ը։
![Կորել էր 12 տարի առաջ. բրիտանուհին փռշտացել և քթի միջից ինչ–որ բան է գտել Կորել էր 12 տարի առաջ. բրիտանուհին փռշտացել և քթի միջից ինչ–որ բան է գտել - Sputnik Արմենիա](https://cdn.am.sputniknews.ru/img/1701/64/17016477_0:0:660:1035_600x0_80_0_0_4358a55137d19785625e5a34e12ce9d3.jpg)
Մատանին նա նվեր էր ստացել 8 տարեկանում, իսկ երբ Էբիգեյլն այն որոնել ու չէր գտել, եկել էր այն եզրակացության, որ հյուրերից մեկը «թռցրել է»։
Սակայն 12 տարի անց 20-ամյա աղջիկը պատահաբար հայտնաբերել է կորցրած մատանին։ Փռշտալուց հետո նա մատանին գտել է թաշկինակի մեջ։
«Կյանքումս չէի կռահի, որ այն քթիս մեջ է մնացել։ Ոչինչ չեմ զգացել», – պատմում է նա։
Աղջիկը պնդում է, որ երբեք շնչառության հետ կապված խնդիր չի ունեցել։
![Կորել էր 12 տարի առաջ. բրիտանուհին փռշտացել և քթի միջից ինչ–որ բան է գտել Կորել էր 12 տարի առաջ. բրիտանուհին փռշտացել և քթի միջից ինչ–որ բան է գտել - Sputnik Արմենիա](https://cdn.am.sputniknews.ru/img/1701/64/17016486_0:0:960:1706_600x0_80_0_0_fe5fb76f4ac8cec7f88e9820805eb175.jpg)
Վիրաբույժի խոսքով` մատանին կանգ է առել քթի հետևի մասում, որտեղ զգայունակության շեմը ցածր է, այդ պատճառով էլ աղջիկը օտար մարմնի առկայությունը չի զգացել։ «Զարմացած չեմ։ Թեև սա սովորական պատմություն չէ, սակայն երեխաների քթերում հաճախ ուլունք և մանր իրեր են մնում։ Երբեմն դա անհնար է զգալ», – ասաց բժիշկը։