ԵՐԵՎԱՆ, 29 հունվարի — Sputnik. Այսօր արտասահմանում մարդիկ առավել, քան երբևէ հետաքրքրոված են Հայաստանում ներդրումներ անելով. դրան նպաստում է վերջերս երկրում ձևավորված դրական մթնոլորտը։ Այս մասին այսօր Հայաստանում Զոհրաբ Մնացականյանի հետ համատեղ ասուլիսի ժամանակ ասաց Եվրոպական հանձնաժողովի հարևանության և ընդլայնման հարցերով հանձնակատար Յոհաննես Հաանը:
Հայաստան այցելած Եվրոպական հարևանության և ընդլայնման քաղաքականության հարցերով ԵՄ հանձնակատար Յոհաննես Խանը մեր երկրում կքննարկի ԵՄ-ի կողմից բարեփոխումներին աջակցությունը և տարածաշրջանային խնդիրներում երկրի հետագա ներգրավման անհրաժեշտությունը։
«Երկրում դրական տրամադրություններ կան, որոնք արտասահմանվում զգացվում են։ Դրանք ազդում են ներդրումների մթնոլորտի վրա, մարդիկ առավել, քան երբևէ հետաքրքրված են Հայաստան գալ ու ներդրումներ անելու մեջ», – ասել է Հաանը։
Նա ընդգծել է, որ Երևանում քննարկել են ներդրումային հանձնաժողովի նիստ անցկացնելու հնարավորությունը։ Դա թույլ կտա Եվրոպայի երկրներին ծանոթանալ Հայաստանում առկա հնարավորությունների հետ։
«Մթնոլորտը դրական է, ու դա պետք է օգտագործել, դա աշխատատեղեր ստեղծելու հնարավորություն կտա ու կկանգնեցնի արտագաղթը», – ասել է Հաանը։
Ինչ վերաբերում է վիզային ռեժիմի ազատականացմանը, ապա Հաանը ժամկետներ չի նշել, սակայն ընդգծել է, որ ԵՄ–ն դրական է վերաբերում այդ հարցին։
ԵՄ հանձնակատարն արդեն հանդիպել է ՀՀ նախագահ Արմեն Սարգսյանի ու վարչապետ Նիկոլ Փաշինյանի հետ։
Վերջին անգամ եվրահանձնակատարը Երևան էր այցելել 2017 թվականի հոկտեմբերին։ 2018 թվականի սեպտեմբերին Նյու Յորքում ՄԱԿ–ի Գլխավոր վեհաժողովի ընթացքում հանդիպել էին ՀՀ վարչապետ Նիկոլ Փաշինյանն ու Յոհաննես Հաանը։
