ԵՐԵՎԱՆ, 29 հունվարի – Sputnik. ՀՀ վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության կառավարության ղեկավար Դմիտրի Մեդվեդևի հետ: Այս մասին հայտնում է ՀՀ վարչապետի մամուլի ծառայությունը։
«Զրուցակիցները քննարկել են Եվրասիական տնտեսական միության և երկկողմ հարաբերությունների շրջանակներում համագործակցությանը վերաբերող մի շարք հարցեր»,– նշված է հաղորդագրության մեջ:
Հիշեցնենք, որ նրանք հունվարի 25-ին հանդիպել էին Մոսկվայում։
Ռուսաստանը Հայաստանի տնտեսության խոշորագույն ներդրողն է։ 1991թ–ից ռուսական ներդրումները Հայաստանում կազմել են մոտ 6,1 միլիարդ դոլար։
