ԵՐԵՎԱՆ, 24 հունվարի — Sputnik. Տիգրան Պետրոսյանի անվան շախմատի տանը տեղի է ունեցել Հայաստանի տղամարդկանց և կանանց առաջնությունների փակման հանդիսավոր արարողությունը: Այս մասին տեղեկացնում ենք Հայաստանի շախմատային ֆեդերացիայի պաշտոնական կայքից:
Ֆեդերացիայի նախագահ Սերժ Սարգսյանը պարգևատրել է մրցանակակիրներին:
Հիշեցնենք, որ կանանց պայքարում Հայաստանի չեմպիոն էր դարձել Մարիա Գևորգյանը և ընդգրկվել Հայաստանի կանանց հավաքականի կազմ:
Երկրորդ հորիզոնականը զբաղեցրել էր Սուսաննա Գաբոյանը, իսկ Սիրանուշ Ղուկասյանը եզրափակել էր լավագույն եռյակը:
Տղամարդկանց մրցաշարում 10 տարվա ընդմիջումից հետո չեմպիոնի տիտղոսը նվաճել է Արման Փաշիկյանը:
2018 թվականի Հայաստանի չեմպիոն Հայկ Մարտիրոսյանը գրավել է 2-րդ հորիզոնականը, իսկ Սամվել Տեր-Սահակյանը արժանացել է բրոնզե մեդալի:
