Նրա խոսքով` Dasaran.am-ը 3 հիմնական գործառույթ է իրականացնում։ Առաջինը դպրոցների կառավարման համակարգն է, որն իր մեջ ներառում է նաև դասարանների կառավարում և հնարավորություն է տալիս ծնողներին վերահսկել երեխաներին առաջադիմությունը։
Dasaran.am-ը Հայաստանի ամենամեծ տվյալների բազա հավաքագրող և վերլուծող ընկերություններից մեկն է, այդ համակարգի շնորհիվ մենք ռենտգեն ենք անում հանրակրթական ոլորտը։
Եվ 3–րդը` հեռահար կրթության և խաղայնացված կրթության մեխանիզմներն են։ Dasaran.am-ը ստեղծել է ավելի քան 59 խաղ, որոնք բացի դպրոցական առարկաներից սովորեցնում են երթևեկության կանոններ, իրավունքներ, Սահմանդրություն, ինչ անել բնական աղետի դեպքում և այլն»,–ասաց Ալոյանը։
Խոսելով անձնական տվյալների հասանելիության մասին` Ալոյանը նշեց, որ Dasaran.am հարթակի յուրաքանչյուր շահառու ունի իր անձնական ծածկագիրը։ Ծնողը կարող է տեսնել միայն իր երեխային վերաբերող տեղեկություն։ «Անձնական տվյալները երբեք 3–րդ կողմի չեն տրամադրվում, դրանք փակ են»,–ասաց Ալոյանը։
