ԵՐԵՎԱՆ, 15 հունվարի – Sputnik. 1990թ.-ի այս օրերին Բաքվում ընթանում էին հայկական ջարդերը: Այսօր ԱԺ նիստի մեկնարկին հայտարարեց ԱԺ նախագահ Արարատ Միրզոյանը:
«Ես կարծում եմ, որ մեր ԱԺ բոլոր պատգամավորները միակամ են դատապարտելու այս բռնությունները, ինչպես նաև միակամ են մերժելու խտրականության հիման վրա բոլոր բռնությունները աշխարհի բոլոր անկյուններում»,-ասաց նա:
Արարատ Միրզոյանի խոսքով` հայերս՝ որպես ժողովուրդ, որ իր պատմության ընթացքում մի քանի անգամ առերեսվել է այս ողբերգությանը, չի կարող հանդուրժել որևէ նման բռնություն որևէ ազգային փոքրամասնության նկատմամբ:
Հիշեցնենք` 29 տարի առաջ՝ 1990 թվականի հունվարի 13-19-ը, Բաքվում ադրբեջանական իշխանությունները կազմակերպել և իրականացրել է հայ բնակչության զանգվածային կոտորած: Ազգային պատկանելության հողի վրա բռնությունների ու տեղահանման է ենթարկվել տեղի շուրջ քառորդ միլիոն հայությունը:
