Վրացի աստղաբան Միխայիլ Ցագարելին ասել է Sputnik Գրուզիային` ինչ ու ինչպես է պետք անել, որ Դեղին Հողե Խոզի տարին միայն լավը բերի։
Առաջին ու ամենակարևորը գունային համադրությունն է, որի մեջ պետք է ձևավորեք Ամանորի սեղանը, ու որը պետք է ինքներդ հագնեք։ Տարվա ֆավորիտը դեղինն է, ոսկեգույնը ու դրա բոլոր երանգները` բեժը, մարմնագույնը, շագանակագույնի երանգները, նույնիսկ կանաչը։
Այդ լուսավոր գույներով ձևավորեք ձեր տոնը` դեկոր, սփռոց, անձեռոցիկներ, ձեր զգեստը։ Հիանալի կլինի, եթե Ամանորի սեղանին դնեք դեղին մոմերով մոմակալ ու վառեք դրանք Նոր տալուց 10–15 րոպե առաջ։ Մտովի, կարելի է նաև բարձրաձայն, շնորհակալություն հայտնել Հին տարուն իր բերած լավ բաների համար, թողեք ու ներեք ամեն վատ բան։ Իսկ հետո նոր, մաքուր ու լուսավոր սրտով դիմավորեք եկող տարին։
Իսկ որ Խոզին դուր գաք ու չվիրավորեք դրան, դեկտեմբերի 31–ին ոչ մի դեպքում սեղանին խոզի մսով ուտելիք մի դրեք։ Միայն դեկտեմբերի 31–ին, մնացած օրերը կարելի է։
Տարվա խորհրդանիշ` Վարազն է, ինչպես հայտնի է, շատ է սիրում ուտել, այդ պատճառով ցանկալի է, որ սեղանը լի լինի տարատեսակ ուտեստներով, խորտիկներով, աղցաններով, թխվածքով ու դելիկատեսներով։ Խոզն ամեն ինչ սիրում է։ Սակայն մի մոռացեք նաև սեփական կազմվածքի մասին։ Դուք դեռ պետք է ամբողջ տարի փայլեք։
Սեղանին դդում դրեք. դա ունևորության, առատության ու բարօրության խորհրդանիշ է։ Այն կտրեք ու հենց Նոր տարուց առաջ սեղանին դրեք։ Իսկ սերմերը հանեք ու շաղ տվեք խոհանոցում։ Թող մինչև առավոտ այնտեղ մնան, ու Նոր տարում հարուստ կլինեք։
Ահա ևս մեկ գաղտնիք. Նոր տարվա գիշերն ու ընդհուպ մինչև փետրվարի 5–ը, մինչ չինական Նոր տարին, փող ձեր տանը երկու խորհրդանիշ լինի` Շուն ու Խոզ։ Առաջինը, որ չվիրավորեք, երկրորդը, որ չբարկացնեք։ Դա ձեր կողմից հարգանքի դրսևորում կլինի Հին ու Նոր տարիների հանդեպ։ Այո, պետք է հաճոյանալ բոլորին ու միշտ։
