ԵՐԵՎԱՆ, 28 դեկտեմբերի — Sputnik. Նախագահական նստավայրի հյուրերն այսօր մանկատների, խնամքի կենտրոնների, գիշերօթիկ դպրոցների սաներն էին:
Ինչպես տեղեկացնում են ՀՀ նախագահի մամուլի ծառայությունից, Հանրապետության նախագահի նստավայրում այսօր ամանորյա տոնական միջոցառում էր կազմակերպվել երեխաների համար:
Մասնագետների օգնությամբ երեխաները սովորել են տոնական խաղալիքներ պատրաստել, որից հետո սեփական ձեռքերով պատրաստված խաղալիքներով զարդարել են դահլիճի տոնածառը: Նրանց նաև նվերներ են հանձնվել:
Փոքրիկ հյուրերի հետ հանդիպել է նաև Հանրապետության նախագահ Արմեն Սարգսյանը: Նա զրուցել է երեխաների հետ, հարցրել նրանց հետաքրքրությունների, երազանքների մասին:
Շնորհավորելով երեխաներին գալիք տոների կապակցությամբ՝ նախագահն ասել է, որ նրանք իրականում ամենաթանկն ու ամենակարևորն են: «Ձեզնից յուրաքանչյուրը մեծ ապագա ունի: Դուք բոլորդ ուժեղ եք, փոքր տարիքից գիտեք հաղթահարել դժվարությունները: Բոլորդ այս կյանքում հասնելու եք հաջողության: Ցանկանում եմ, որ միշտ ուրախ լինեք, հավատաք, որ ձեզնից յուրաքանչյուրը տաղանդավոր է: Կարևորը, որ վստահ լինեք, լավ սովորեք, ունենաք երազանք ու հասնեք այդ երազանքին»,- ասել է նախագահը:
Միջոցառումը կազմակերպվել էր «SOAR» (Ծնողազուրկ հայ երեխաների օգնության միություն) բարեգործական հիմնադրամի աջակցությամբ:
![ՀՀ նախագահի նստավայրում ամանորյա տոնական միջոցառում է կազմակերպվել երեխաների համար (28 դեկտեմբերի, 2018թ.): Երևան ՀՀ նախագահի նստավայրում ամանորյա տոնական միջոցառում է կազմակերպվել երեխաների համար (28 դեկտեմբերի, 2018թ.): Երևան - Sputnik Արմենիա](https://cdn.am.sputniknews.ru/img/1649/73/16497354_0:0:1201:756_600x0_80_0_0_251f9de179d0fb9aa32117ffa6853e04.jpg)
![ՀՀ նախագահի նստավայրում ամանորյա տոնական միջոցառում է կազմակերպվել երեխաների համար (28 դեկտեմբերի, 2018թ.): Երևան ՀՀ նախագահի նստավայրում ամանորյա տոնական միջոցառում է կազմակերպվել երեխաների համար (28 դեկտեմբերի, 2018թ.): Երևան - Sputnik Արմենիա](https://cdn.am.sputniknews.ru/img/1649/74/16497456_0:46:1201:800_600x0_80_0_0_3a3d66b2893e72de51919a8af8acf0e0.jpg)
![ՀՀ նախագահի նստավայրում ամանորյա տոնական միջոցառում է կազմակերպվել երեխաների համար (28 դեկտեմբերի, 2018թ.): Երևան ՀՀ նախագահի նստավայրում ամանորյա տոնական միջոցառում է կազմակերպվել երեխաների համար (28 դեկտեմբերի, 2018թ.): Երևան - Sputnik Արմենիա](https://cdn.am.sputniknews.ru/img/1649/74/16497474_0:22:1200:776_600x0_80_0_0_ec49809912dc13b0768b6e127a9fc0b3.jpg)