ԵՐԵՎԱՆ, 27 դեկտեմբերի — Sputnik. Հունահռոմեական ոճի ըմբշամարտի աշխարհի չեմպիոն Ստեփան Մարյանյանը խոստովանել է, որ իր առաջին հնարավորներից մեկը ծախսել է տատիկի համար նոր ակնոց գնելու վրա։ Այդ մասին նա պատմել է Ռուսաստանի մարզական ըմբշամարտի ֆեդերացիային տված հարցազրույցում։
«Մի անգամ ես շահեցի 200 կամ 300 ռուբլի ու նվիրեցի տատիկիս։ Որովհետև տեսա, որ նրա ակնոցը կոտրված է, և ցանկացա, որպեսզի նա իմ շահումով իր համար նորը գնի», – խոստովանել է չեմպիոնը։
Մարզիկը պատմել է նաև հայտի հայ Արսեն Գաստյանի հետ իր ծանոթության մասին։ Գաստյանը հայազգի ռուսաստանցի ձյուդոիստ է, Ռուսաստանի սպորտի վաստակավոր վարպետ, 2012թ.–ի Լոնդոնի օլիմպիադայի չեմպիոն։
«Մենք երկուսս էլ Կրասնոդարից ենք, էթնիկ հայ ենք, երկուսս էլ` ըմբիշ, բայց մեզ ծանոթացրել է Ռոմա Վլասովը (աշխարհի կրկնակի չեմպիոն, Եվրոպայի եռակի չեմպիոն և կրկնակի օլիմպիական չեմպիոն` խմբ.)»,– ասել է Մարյանյանը։
Նրա խոսքով` Վլասովի հետ համատեղ լուսանկարը հետաքրքրել է Գաստյանին և նա գրել է Մարյանյանին։ Ընդ որում, այդ ժամանակ մարզիկներին չի հաջողվել հանդիպել, բայց ավելի ուշ հայերն արդեն լավ ընկերներ են դարձել։ Հիմա երկու չեմպիոներն էլ մասնակցում են Ռուսաստանում սպորտի տարածմանը նվիրված միջոցառումների։
Посмотреть эту публикацию в Instagram
