ԵՐԵՎԱՆ, 27 դեկտեմբերի —Sputnik. Արևմտյան երկրներն իրենց իշխանության մարմիններում կոռուպցիայի մակարդակն ընդհանուր առմամբ գնահատում են բարձր։ Այդ մասին են վկայում Sputnik.Կարծիք հարցման տվյալները։
Հետազոտության համաձայն, որը 2018թ.–ի օգոստոսի 9-20–ը իրականացվել է Sputnik տեղեկատվական գործակալության և ռադիոյի պատվերով, ամերիկացիների 66%–ը, ֆրանսիացիների 52%–ը, բրիտանացիների 41%–ը և գերմանացիների 34%–ը իրենց երկրների իշխանական մարմիններում կոռուպցիայի մակարդակը համարում են բարձր։ Որպես ցածր այն գնահատում են ԳՀԴ քաղաքացիների 21, Մեծ Բրիտանիայի` 16, Ֆրանսիայի 10 և ԱՄՆ–ի բնակչության 6%–ը։
Հետաքրքիր է` վերահիշյալ պետությունները 2017թ.–ին մտել են ազատ երկրների կոռուպցիայից թոփ 25–ի մեջ Transperancy International միջազգային հասարակական կազմակերպության վարկանիշի համաձայն։ Մեծ Բրիտանիան վարկանիշում զբաղեցրել է 11–րդ տեղը, Գերմանիան` 12-րդ, ԱՄՆ–ը` 18–րդ, Ֆրանսիան` 23–րդ։ Transperancy International–ի կոռուպցիայի ընկալման ամենամյա ինդեքսը հիմնվում է հարցումների վրա, որոնց մասնակցում են միջազգային ֆինանսական և իրավապահ փորձագետները։
Ինչպես ցույց է տվել հետազոտությունը, Ֆրանսիայում 2017թ.–ի նախագահական ընտրությունների առաջին թուլում Մարին Լե Պենի օգտին քվեարկածներն ավելի հաճախ են խոսում են բարձրագույն իշխանությունում կոռուպցիայի բարձր մակարդակի մասին, քան Էմանուել Մակրոնի կողմնակիցները ` 71%–ը 29%–ի դեմ հարաբերակցությամբ։ ԱՄՆ–ում դեմոկրատների շարքում պետական մարմինների կոռումպացվածության մասին կարծիքն ավելի շատ է տարածված, քան հանրապետականների շարքում` 75%–ը 54%–ի դիմաց։ Իսկ ԳԴՀ–ում Արևելյան Գերմանիայի և Բեռլինի բնակիչներն ավելի շատ են համոզված իշխանության կոռումպացվածության մեջ, քան արևմտյան գերմանացիները` 43% և 40%` 32%–ի դիմաց։
Հարցումն անցկացրել է Ifop ընկերությունը։ 2018 թվականի օգոստոսի 9-20-ը անցկացված հարցմանը մասնակցել են 18 տարեկանից բարձր 4 033 մարդ։ Ընտրանքն իրականացվել է ըստ հարցվածների սեռի, տարիքի և բնակության վայրի։ Տվյալների անճշտության առավելագույն մակարդակը կազմում է +/-3,1 տոկոս` 95 տոկոս վստահության հավանականությամբ:
Հասարակական կարծիքի ուսումնասիրման միջազգային նախագիծը մեկնարկել է 2015 թվականի հունվարին։ Գործընկերն են Populus, Ifop և Forsa հայտնի հետազոտական ընկերությունները: Նրանք Sputnik.Կարծիք նախագծի շրջանակում կանոնավոր կերպով հասարակական կարծիքի ուսումնասիրություններ են անցկացվում Եվրոպայի և ԱՄՆ-ի երկրներում առավել արդի սոցիալական և քաղաքական թեմաների վերաբերյալ։
Sputnik-ը լրատվական գործակալություն և ռադիո է` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն:
