ԵՐԵՎԱՆ, 24 դեկտեմբերի – Sputnik. Ոստիկանները ձերբակալել են երեկ Երևանում կրակոցներ արձակած 32 տարեկան Վահրամ Մանվելյանին։ Այս մասին հայտնում է ՀՀ ոստիկանության մամուլի ծառայությունը։
Դեկտեմբերի 23-ին, ժամը 21.20-ին, ոստիկանության Նոր Նորքի բաժնում հաղորդում է ստացվել, որ Ավանի 14-րդ փողոցի տներից մեկի վրա մի մարդ ինքնաձիգով կրակում է:
Մեկնած օպերատիվ խումբը պարզել է, որ նույն օրը, ժամը 21.15-ին, նշված տան մոտ, 1986 թ. ծնված Վահրամ Մանվելյանն իրեն ամրակցված «MR 43» տիպի, 12 տրամաչափի, երկփողանի ողորկափող որսորդական հրացանից կրակել է նշված տան ուղղությամբ, հայհոյել:
1950 թ. ծնված Հենրիկ Ն.-ն դիտողություն է արել Վ. Մանվելյանին, նա էլ դիտավորությամբ նշված հրացանից կրակել է Հենրիկ Ն.-ի ոտքերին, որը ժամը 22.00-ին «զույգ ստորին վերջույթների բազմաբեկոր հրազենային վնասվածք» ախտորոշմամբ տեղափոխվել է հիվանդանոց:
Ժամը 21.45-ին Վահրամ Մանվելյանը դեպքի վայրից բերման է ենթարկվել, որի ընթացքում ոտքով հարվածել և դիտավորությամբ կոտրել է ՊՊԾ թիվ 29 պարեկային ավտոմեքենայի դռան ապակին:
Դեպքի վայրից հայտնաբերվել է 20 պարկուճ:
Հանցագործության գործիք հրացանն առգրավված է:
Վահրամ Մանվելյանը ձերբակալվել է:
![Կրակոցներ Երևանում Կրակոցներ Երևանում - Sputnik Արմենիա](https://cdn.am.sputniknews.ru/img/1641/01/16410108_0:53:800:555_600x0_80_0_0_c33aa669b995801fb830c1f65613f602.jpg)
![Կրակոցներ Երևանում Կրակոցներ Երևանում - Sputnik Արմենիա](https://cdn.am.sputniknews.ru/img/1640/99/16409940_0:98:800:600_600x0_80_0_0_9a21b6ce088aaeb1905d2ee7cac0238f.jpg)
![Կրակոցներ Երևանում Կրակոցներ Երևանում - Sputnik Արմենիա](https://cdn.am.sputniknews.ru/img/1641/00/16410004_0:68:801:570_600x0_80_0_0_512240e8a7d6466eee5c100da5fbcf80.jpg)
![Կրակոցներ Երևանում Կրակոցներ Երևանում - Sputnik Արմենիա](https://cdn.am.sputniknews.ru/img/1641/00/16410084_0:48:800:550_600x0_80_0_0_6e64cb5111b46d76aa434f0d2315954c.jpg)
![Կրակոցներ Երևանում Կրակոցներ Երևանում - Sputnik Արմենիա](https://cdn.am.sputniknews.ru/img/1641/00/16410092_0:98:800:600_600x0_80_0_0_252515d48f5fca67edbe93bcd8cba441.jpg)
![Կրակոցներ Երևանում Կրակոցներ Երևանում - Sputnik Արմենիա](https://cdn.am.sputniknews.ru/img/1641/01/16410100_0:96:801:599_600x0_80_0_0_664c8abf7a650ce78f63683248992626.jpg)
Նշանակվել են դատաբժշկական, դատաձգաբանական, դատաքիմիական և դատակենսաբանական փորձաքննություններ:
Կատարվում է նախաքննություն: