ԵՐԵՎԱՆ, 23 դեկտեմբերի — Sputnik. Հայկական արմատներով մի քանի ռուսաստանցի շախմատիստներ որոշել են հանդես գալ այլ երկրների դրոշների տակ, հաղորդում է «Գազետա․ռու»-ն։
Մասնավորապես, նշվում է, որ 16-ամյա Աննա Սարգսյանն այսուհետ ելույթ կունենա Իսպանիայի դրոշի ներքո։
Աննա Սարգսյանը 2018թ-ին հաղթանակել է իր տարիքային խմբի 6 խաղերում։ Իսպանիայի դրոշի ներքո հանդես գալուց հետո նա զբաղեցնում է շախմատիստների ազգային վարկանիշի 130-րդ հորիզոնականը։
Նրա հետ այդ երկրի հավաքականում ելույթ կունենա լատվիացի Ալեքսեյ Շիրովը և հայ Լևոն Մկրտչյանը։ Բացի այդ, գրոսմայստեր Աշոտ Փարվանյանն արդեն փոխել է Հայաստանը Գերմանիայով։
Շախմատի համաշխարհային ֆեդերացիան արդեն հաստատել է շախմատիստների տեղափոխությունը:
