ԵՐԵՎԱՆ, 23 դեկտեմբերի – Sputnik. Հաջորդ շաբաթը կսկսվի տեղումներով։ ՀՀ արտակարգ իրավիճակների նախարարության կայքում հրապարակված հաղորդագրության համաձայն` այսօր` դեկտեմբերի 23-ին, առանց տեղումների եղանակ կգրանցվի։ Իսկ դեկտեմբերի 24-ի ցերեկը, 26-27-ը շրջանների զգալի մասում սպասվում են տեղումներ և մառախուղ, լեռնային և նախալեռնային շրջաններում՝ ձյուն։
Օդի ջերմաստիճանը դեկտեմբերի 24-26-ը ցերեկը կնվազի 4-5 աստիճանով։
Երևանում դեկտեմբերի 23-ին, 24-ի գիշերը, 25-ին սպասվում է առանց տեղումների եղանակ։ Դեկտեմբերի 24-ի ցերեկը և 26-27-ը սպասվում են տեղումներ, բարձրադիր գոտում՝ թաց ձյան տեսքով։
Առավոտյան ժամերին ցածրադիր գոտում սպասվում է մառախուղ։
