ԵՐԵՎԱՆ, 20 դեկտեմբերի – Sputnik. Հայաստանի ամբողջ տարածքում դեկտեմբերի 20-ի ցերեկը, ինչպես նաև 21-ին կգրանցվեն թույլ տեղումներ և մառախուղ, լեռնային և նախալեռնային շրջաններում՝ ձյուն: Այս մասին նշված է ՀՀ արտակարգ իրավիճակների նախարարության կայքում։ Իսկ դեկտեմբերի 22-ից 24-ն ընկած ժամանակահատվածում կվայելենք առանց տեղումների ձմեռը։
Քամին կլինի հյուսիսարևելյան (3-8 մ/վ), oդի ջերմաստիճանն էլ էապես չի փոխվի:
Երևանում դեկտեմբերի 20-ի գիշերը, 22-24-ը սպասվում է առանց տեղումների եղանակ, 20-ի ցերեկը, 21-ին սպասվում են թույլ տեղումներ և մառախուղ, քաղաքի բարձրադիր վայրերում՝ թաց ձյան տեսքով:
Այսօր մայրաքաղաքում ցերեկային ժամերին օդի ջերմաստիճանը կտատանվի 5-7, գիշերային ժամերին` 0-2 աստիճան տաքության սահմանում։
