ԵՐԵՎԱՆ, 12 դեկտեմբերի — Sputnik. ՀՀ որոշ մարզերում ձյուն է տեղում։ Ինչպես տեղեկացնում են ՀՀ ԱԻՆ մամուլի ծառայությունից, Շիրակի մարզի Ամասիայի տարածաշրջանում, Աշոցք գյուղում, Արագածոտնի մարզի Ապարան քաղաքում առկա են տեղումներ ձյան տեսքով:
Դեկտեմբերի 12-ին ժամը 15:40-ի դրությամբ ՀՀ տարածքում ավտոճանապարհները հիմնականում անցանելի են:
Վարդենյաց լեռնանցքը փակ է կցորդիչով բեռնատարների համար: Լեռնանցքում բուք է և ցածր տեսանելիություն:
Սոթք-Քարվաճառ ավտոճանապարհին տեղ-տեղ առկա է մերկասառույց:
Վարորդներին խորհուրդ է տրվում մարզեր երթևեկել բացառապես ձմեռային անվադողերով։
Վրաստանի ՆԳՆ ԱԻ գործակալությունից ստացված տեղեկատվության համաձայն Ստեփանծմինդա-Լարս ավտոճանապարհը փակ է բոլոր տեսակի ավտոմեքենաների համար:
ՌԴ ԱԻՆ Հյուսիսային Օսեթիայի Հանրապետության գլխավոր վարչությունից ստացված տեղեկատվության համաձայն ռուսական կողմում կան կուտակված ավտոմեքենաներ:
